＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚我地成班人約埋食飯，原因就係要幫子瑜補祝佢o既生日啦～！！
而今次呢餐飯o既地點，就係大家都一致認為唔錯o既何福堂到食喇～！！

至於出席今晚呢餐飯o既人．．．
除左我同主角之外，另外就仲有大妹，屈姐，世俊同埋Raymond喇～！！
原定約好o既時間其實就係7:00pm，不過最終等到差唔多8:00pm先齊人啦～！！

我地圍埋見面除左吹水之外，呢餐飯真係可以話係爆笑連場呀．．．
因為有子瑜在場o既活動，多數都係唔會有咩冷場或者唔好笑o既情況嚕～！！

最初大家去到市中心會合之時，我地都係講下近日工作方面ｄ事先啦．．．
其實o係大家呻緊自己近日ｄ遭遇之時，都已經有好多笑料彈出o架喇～！！

至於食飯時間再講到o既話題，就係近期ｄ較為生活化o既野喇．．．
除左有繼續講下公司o既野之外，今轉仲加埋平日屋企生活上o既笑料囉～！！

因為我地個個人o既屋企都有其特別，所以大家咪又圍埋講下笑下啦～！！
至於關於娛樂性上面o既野，我地就主力都係講下電話、電視及電影喇～！！
電話就講下上網玩o既game啦，至於電視同電影咪就係講下近日熱播o既野嚕～！！

另一方面．．．
由於稍後時間就會有朋友結婚，所以呢個又係我地圍埋講o既另一個熱話喇～！！
因為我地圍內o既人都接二連三咁收到請帖，所以我地都講緊有關事宜啦～！！

我地圍內o既掛牌成員數目都唔少，但係圍內係咪真係個個都友好呢～？！
相信呢個答案大家都心中有數啦，加埋呢期聽到最多就係對某堆人o既不滿～！？

佢地今晚淨係講緊結婚同拍拖兩個問題，都已經講左近半餐飯有多喇．．．
而o係呢餐飯完左之後，我地又一致話想去市中心到食糖水兼繼續傾計啦～！！

至於呢轉所傾o既話題，就已經轉左去講計劃去旅行或本地玩樂o既事喇～！！
其實大家都曾經有過唔少計劃係同玩樂團有關，不過到宜家都好少計劃成到事～！？

有見及此．．．
我地都已經傾緊搞ｄ兩日北上食玩遊，又或者係本地食玩一日遊啦～！！
當然大家都有講到計劃外出去旅行一事，至於台灣今次就竟然成為大熱啦～！！

咁樣成班人圍埋玩下、吹下水同埋癲下，個人真係開心左好多呀．．．
或者我地想要o既．．．就係呢種狂笑狂叫狂癲同埋咩都拎來講o既共鳴感啦～！！