＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日o既『愛人』已經第二日玩黑口黑面，不過程度就叫做比尋日好轉左啦．．．
而今日o既情況同尋日大致上相似，所以今日又係要由我埋身問話喇～！？＝．＝”

同時今日係星期二o既關係，所以我今日同樣要同佢傾下佢餐晚飯o既問題啦．．．
雖然我地叫做傾出左好幾個版本，但我同時要按照佢o既心情同心態去處理啦～？！
因為佢話過呢排唔多想出街，而且佢近兩日o既心情又好似唔係咁好呢～？！

不過．．．
就係o係我問緊佢晚飯點樣安排之時，佢就突然彈左句〝你真係好好〞出o黎嚕～！！
雖然呢兩日o既佢突然好情緒化，但係我相信佢對我o既態度應該係冇變o既～！！

上午時間始終未傾好點樣處理，所以我就叫佢不如考慮埋個下午先啦．．．
但係呢個上午竟然又有單突發野發生，一剎那間又將佢o既不滿o既情緒引發～？！

由於我呢個時間出左去做其他野，所以我最初都唔知發生左咩事啦～！？
及後阿俊佢地就係咁同我呼叫，話肥仔同『愛人』上演左場火星撞地球囉～！！＞＜”

雖然．．．
我今早都已經知道佢兩個分別有ｄ唔妥，但我冇諗過會搞單咁o既野出o黎嚕～？！
事後o既我就即時同阿俊及『愛人』了解件事，同時我又要出手哄返『愛人』嚕～！！

我知道公司o既野令到『愛人』有好多怨氣，再者佢今個月又完全冇去玩過～！！
所以我都就住有關食野同埋玩o既問題去問佢，希望佢o既情況得以改善嚕～！！

但係經過左今日lunch-time之後，黑口黑面o既『愛人』又好似有ｄ改善喇．．．
同時佢同肥仔o既事又好似已解決，後尾佢地仲約埋夜晚去食飯兼睇戲啦～！！

下午情況已經明顯有唔同，所以我（地）o既擔憂就可以開始減少啦～！！
與此同時．．．肥仔仲將佢地今晚約左一事同左我講，而且佢仲叫埋我去添～！！

但由於我地收工後都要各自散去，所以o係我地搞掂ｄ野之後先再電聯啦～！！
我收工後返左屋企一陣就準備去搵肥仔，不過呢個時候又收到『愛人』電話喎～？！

佢叫我先折返寶田同佢去交費，及後我地先再一齊過去會合埋肥仔啦．．．
就o係行緊去搵肥仔o既呢段路程中，『愛人』話佢從未遇過好似我咁好o既人～？！
佢話除左佢屋企人之外，我就係對佢最好；同時又令佢覺得係好好o既人喎～！！

而o係我地會合左肥仔之後，我地就一齊搭車過左去新墟買飛準備睇戲啦．．．
正正就係因為時間上o既問題，所以我地就唯有選擇先睇戲後食晚飯o既安排～！！

至於今次去睇o既呢套〝邊個波士唔抵死〞，就係因應『愛人』o既選擇啦～！？
同時呢套戲其實我早就計劃左同阿仔去睇，但睇完左之後反而令我有ｄ失望啦～！！
正如『愛人』所講．．．套片雖然叫做係幾好笑，但就衰在欠缺左個故事性～！！
到睇完左戲兼又食完晚飯之後，我地就去買左ｄ野飲後就要正式散喇～！！