＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

   
雖然上年中秋已經叫做識左，不過今年係佢做左『愛人』後o既第一個中秋～！！
節日正日雖然未正式o黎到，不過我今日就提早少少送份禮過去俾佢啦～！！

知道佢中秋當晚會返屋企做節，所以我地今年都應該唔會一齊過o架喇．．．
但就係因為我送禮o既關係，佢就竟然帶埋我上去佢景盛間屋到行左一轉喎～！！
而呢一轉雖然只係叫做望左一眼，但就肯定係佢對我再一次肯定o既一步嚕～！！

至於是次o既會面除左係送禮之外，重點就係要傾埋各同事o既全新問題啦～！！
同時就住佢日前同我所講o既理論，我地今次亦都有再進一步咁探討過啦～！！

不過o係未正式開波傾今日o既話題之前，我地首先就係講下電視劇o既劇情～！！
事因尋晚某劇集已經播左大結局，但呢個結局就令一眾期待o既觀眾感到失望囉～！！
同時佢話當佢尋晚睇完電視要落街之時，想打俾我傾陣計都已經搵唔到我喇～！！

至於今日所傾到o既問題方面．．．
首先就係講到佢同班同事近日o既問題，我知道好多問題又再一次因工作而洐生～！！
但同時我地都知道呢堆問題根本冇辦法解決，因為佢地都各自存在住問題嘛～！！

而且『愛人』就話佢地對我地o既影響，其實根本就唔重要．．．
因為我倆對佢地根本就唔存在住需求，反之佢地對我地就需要就唔同喇～！！

不論係公事定係私事方面都好，佢地幾個同我倆都存在住好遠o既距離．．．
至於呢堆定位問題早前都傾過唔少次，而我地今次就當係一個正式o既總結嚕～！！

我同『愛人』都覺得．．．層次唔同就係唔同，想勉強去改變都係唔可能～！！
既然我倆都覺得同呢班人唔需要太深入o既時候，呢個階段就係終極位置喇～！！
當中o既經歷令我地都睇到唔少野，所以我地先會覺得佢地根本唔係我地想要～？！

與此同時．．．我地都認為佢地對我地o既了解，同樣亦都只係好表面～！！
所以我地一開始就選擇抽稿o既呢個方向，可以話係一個絕對正確o既做法～！！

至於今日重點o既另一話題，就係好好咁傾下我地及後o既改變同方向啦～！！
我地由最初階段去到慢慢了解，當中的確係經歷左唔少及要經過唔少階段啦～！！
而呢一切實在o既野確實都令我地有所得著，同時亦令我地變得惺惺相惜嚕～！！

另一方面．．．
佢再次同我講到Marcus對我o既評價，佢話Marcus真係好睇得起我呢個朋友～！！
事因佢日前都已經想約我食飯，無奈只係因為我早已有約在身而未能出席啦～！！

而就住佢上月同埋本月o既儲錢及活動計劃方面，佢都有同我傾過下啦．．．
佢話因為呢兩個月都冇計劃要外出活動，所以佢應該可以儲到一筆儲備喎～！！

正正就係因為佢話儲到筆錢o既關係，所以佢就打算要獎勵一下自己喎．．．
我地就住呢個問題已經有左共識，就係我地之後會約埋去佢花都間屋食返餐嚕～！！

而o係傾到呢個話題o既同時，我地同時引出關於反叛期同埋放縱兩個問題．．．
我八月份o既活動數目可以話係高企，而我將自己放到咁盡同樣係有原因嚕～？！
因為我自己都好想知道，如果我放盡自己去玩o既效果到底又會係點呀～？！

好多人話趁後生就應該去試多ｄ同玩多ｄ，千其唔好浪費自己o既青春．．．
當我地一傾到呢個問題o既時候，我地都知道生活就係我地要顧及o既包袱嚕～！！
我當年都唔係唔想俾自己去放縱一下，而係我根本就唔可以去選擇咁做呀～！！

對於人生同生活上o既態度同埋心態．．．
或者就係因為我睇到o既野越o黎越多，所以我對『愛人』o既要求亦開始減少．．．
當真正咁睇到一個背後o既佢o既時候，其實我都知道自己應該用咩心態去面對嚕～！！

坐完公園又去食埋個下午茶之後，要傾o既野都已經完全咁傾過一次喇．．．
或者要做真心朋友o既感覺，就真係在於交心上o既層次同埋思想上o既距離嚕～！！