＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
早前講左一輪o既唱Ｋ活動，就落實左o係今早去九龍灣Megabox CEO到唱啦～！！
由於我地訂左間房時間係好早o既關係，所以我好早就要起身準備出門口啦～！！

大約10:00am左右．．．我同Raymond都到左九龍灣地鐵站會合埋先～！！
及後我地就轉的士過去目的地，到拎左房之後就開始今日o既唱Ｋ大行動嚕～！！

而o係我地唱Ｋ中途o既時間，『愛人』就曾經打過電話俾我問路啦．．．
事關佢屋企人要去沙田醫院，所以佢就問我由佢屋企出發去該地要搭咩車嚕～！！

另一方面．．．
由於阿仔今早要去學結他，所以佢就要o係稍後o既時間先可以到場啦～！！
而我同Raymond唱左接近兩個鐘時間，唱到我差ｄ連把聲都冇埋咁制喇～！？
因為佢今日點左唔少合唱歌，所以我o係呢兩個鐘係近乎未停過咁唱呀～！！

一直唱到大約12:15pm左右，阿仔就終於都到場開始一齊玩喇～！！
不過我地呢個時間就開始玩接力，事關呢個時間同樣係我地o既lunch time嘛～！！

多左阿仔幫手分ｄ歌o黎唱，我起碼都可以俾自己先抖一抖把聲啦．．．
一直唱到大約3:00pm左右，我地就離開呢到同轉戰去APM到行左一陣間啦～！！
四圍行下兼睇左一陣野，之後就約好埋o黎緊o既活動日期同時間就散喇～！！

因為之後o既時間得返我地兩仔爺，所以傾o既野就變得比較直接啦．．．
同佢由搭258D開始直至返到屯門，我地都圍繞住近日ｄ事或節目去探討過啦～！！

同時．．．
我都已經同佢預告左及後一連串o既轉變，希望佢可以預先有個心理準備啦～？！
因為呢堆o既考驗同轉變，其實都係集合左身邊各人o既意見同方向而去做嚕～？！

其實當我尋日得知佢去學結他開始，我就已經知道有ｄ野會發生喇．．．
我知道佢為左我而去突破自己，無疑佢呢份心係令我覺得感動但又無奈嚕～！！

至於呢一連串原定左o既計劃同改變，部份其實都已經係比預期中出現得遲啦～！！
但如果佢可以及早面對呢堆難題，無疑對佢同對我而言都叫做係一件好事嚕～！！