＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日收工之後打算查下個E-Mail啦，點知一睇之下就以為自己出左事嚕～！！
因為我以為自己冇交上網費，所以一食完晚飯之後就即刻趕左出去做呢件事啦～！！

點知好匆忙咁出到去想交之時，我先知道有關費用原來早就已經交左嚕～！！＞＜”
不過呢個時候o既我仍然呆左一輪，因為我真係唔知道點解個費用會交左嚕～？！

及後我先記返起．．．
一向會幫我處理呢ｄ野o既人，除左個仔之外都應該唔會有人識做囉～！！
呢個時候o既我真係覺得自己好傻，我竟然叫左阿仔幫我去搞都唔記得左嚕～？！

之後．．．
我見自己反正都已經出開街，所以我就出左去城大到接個仔返o黎喇～！？
由於阿仔今晚要返學校開會，而我又見時間上協調到咪不如出去行一轉啦～！！

反正我都未試過咁夜出去接佢走，咁呢次咪當係我為佢做o既第一次囉～！！
去到學校之時．．．佢個會都仲係未開完，所以我就邊聽歌邊等佢啦～！！

等到大約9:30pm左右，佢就打俾我話已經開完晒會同埋可以走得喇～！！
其實呢轉除左係因為時間上協調到之外，另外係因為我仲有野要同佢交代～！！

期後因為我突然想食雪糕o既關係，所以我就扭左佢陪我去Ｍ記食雪糕喇～！！
趁呢個時間除左同佢講下件傻事之外，重點就梗係同佢講到星期三晚o既事啦～！！

話晒呢次係佢同『愛人』首次見面，所以我都唔想有太多甩漏或意外啦～！！
食完個雪糕兼傾完周三晚o既事之後，我地今次就決定去搭西鐵返入屯門啦～！！

至於車程間傾到o既野，當然就係近日關於阿姨即將出場o既新另一半啦～！！
話晒佢今次結婚爛尾一事，真係搞到全部o既掛牌成員都感到好意外同奇怪嘛～！？

至於o係我返到屋企之後，臨尾都收到『愛人』o既來電傾左一陣間啦．．．
事關佢今晚出左尖沙咀同朋友食飯，而呢個時候o既佢又開始搭車返o黎啦～！？

其實佢今次打o黎o既目的，主要係想話我知佢最終揀左搭260X而棄左西鐵～！！
同時亦因為佢揀左搭巴士o既關係，而令佢搭中左部佢一直想搭o既車型嚕～！！