＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日一大清早就收到Raymond來電，話想約我今晚出去食飯．．．
起初佢係打算叫我出旺角，但最終因為我要去葵芳拎車而轉左去呢到～！！

由於我地星期日都已經會見面，所以佢突然咁約我都令我覺得幾出奇～？！
後來問到佢突然想約食飯o既原因之下，先知道原來佢屋企今晚冇飯開嚕～！！

今早原本就話想約7:15pm出到去，但及後因為我有事而要將個時間推遲～！！
所以我地最終就約左8:00pm去到會合，不過佢真係好早就已經到左目的地嚕～！！

無奈佢比我地約o既時間早到好多，所以佢就唯有o係商場入面hea住先～！！
而當我都到左葵芳之後，我地就首先去80M到拎返架早前訂左o既車先啦～！！

及後我地又揀返去PizzaHut食晚飯，至於呢次見面主要都係吹水同埋講笑啦～！！
因為呢排本應有較多飯局或活動想落實，不過大家o既檔期又係惡搞囉～！？

另一方面．．．
呢轉同佢見面除左有講下笑之外，同時我亦有就住近日一ｄ問題同佢傾過下～！？
當中包括部份掛牌同埋自己o既野，至於佢俾我o既答案亦都係好正路嚕～！！

今晚呢個飯局真係好快就完左，事關我地食完野都已經接近10:00pm喇～！！
最後o係約好埋星期日活動o既時間之後，我地就各自各搭車返屋企啦～！！

而o係我收工後但又未出去之前，我首先就陪左『愛人』一轉去買送呀～！！
其實『愛人』同樣係約得我好急，因為佢都係下午先叫我收工後陪佢去買野～！！

同樣因為我同佢o既收工時間有差別，所以我都係收工後先再同佢電聯啦～！！
期後我就好快手咁返屋企一轉換過個樣，然後咪就要陪佢去買送煮野囉～！！
到我地買完晒堆野之後，佢就叫我上去坐下同佢傾下計兼打陣機嚕～！！

至於我地見面就當然會傾下公事，同時私事部份亦都係唔少得會傾啦．．．
公事方面就主要都係講下近日ｄ野，至於私事方面就講到我近日某ｄ事啦～！！

自從佢八月份過左o黎屯門之後，佢o既整體表現都真係比o係粉嶺時為好～！！
起碼至今佢都未有特別問題或錯誤，而且佢都真係兌現到佢o既承諾嚕～！！

相比起之前咁多個月，佢呢個月出街應酬或通頂活動o既數的確係大減～！！
而當我問及其相關原因o既時候，佢就話要見o既人o係呢邊已經見到晒囉～！！
因為除左屯門o既我之外，佢平日o係粉嶺o個邊會見o既人主力就係Marcus喇～！！

我記得佢曾經講過佢從前o既生活模式，正正就o係佢宜家呢種方式啦．．．
我唔知係因為佢心態上定係地點上o既改變，而令到佢突然變返從前咁樣嚕～？！

至於電話方面．．．佢又再一次話佢真係需要換機同埋加大個通話分鐘喇～！！
因為佢覺得現時個plan真係唔多夠佢用，同時佢話佢ｄ分鐘多數係用於我身上～！！
事關近呢幾個月o既時間，單係我就已經用左佢電話分鐘近六成或以上o既比例喎～！！

另一方面．．．今日肥仔就突然同佢講，話想上去佢寶田間屋到坐下喎～？！
雖然我知道最終成事o既機會唔大，事關Marcus係唔會咁易就放人上去坐丫嘛～？！

及後我再聽返『愛人』講．．．
佢話佢有就呢件事問過Marcus批唔批人上去，而Marcus就問及呢個係咪阿俊啦～？！
『愛人』就同Marcus講話呢個人佢未見過，所以肥仔最終都係同樣過唔到關囉～！！

再一次回顧返之前同Marcus會面o既感覺，『愛人』都問我點解我會咁特別～？！
點解我可以同Marcus一拍即合，同時又可以令到佢咁喜歡及接受我呢位新朋友～！？

由當初同佢第一次正式見面食飯開始，直到宜家加埋都見左只係得三次啦．．．
當中o既進度都真係比想像中快，而且『愛人』對此亦都真係感到非常意外～！！

再者以Marucs本身o既性格，佢係唔會咁易就批出〝禁區紙〞俾人上去間屋．．．
但係我只係見過一次面之後，Marcus就已準我可以跟住『愛人』自由出入喇～！！

同時．．．
我都係唯一一個可以用最短及最快o既進度，就令佢咁放心同信任o既人嚕～！！
因為直到現階段為止，佢都只係準我一個可以唔需要佢在場但都上得去o既人呀～！！