＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
尋晚因為一個電話對話o既問題，差ｄ引起左ｄ不必要o既誤會啦．．．
幸好佢尋晚已經及早解決，而且就住呢個問題我地今轉亦有左新共識啦～！！
原來個電話收得唔好，真係好容易會因為聽唔清楚ｄ野而引起風波o架～！？

至於今日老細話要見晒公司全部同事，所以我地又有突破性話題要傾啦～！！
而我同『愛人』分別見完左老細之後，佢就話要同我今晚一齊食飯詳談喇～！！

由於我同佢o既收工時間唔同，所以我就照舊先返左屋企沖涼同換衫啦～！！
等佢收工兼打電話俾我之後，我就行過去Ｍ記o個邊同佢先返左寶田一轉嚕～！！
期後我地就再一齊行返出去新墟食野，而且呢轉o既談話就傾得多野嚕～！！

首先講到公事方面．．．
其實呢次所謂o既大會見班同事，全因為公司某ｄ同事一路搞事而引起o既～！！
我同『愛人』都心知呢場只係一場戲，所以我地都應該唔太需要擔心ｄ咩啦～？！

不過就一如我地所料．．．
今次老細主動提出話見班同事，當中就梗係會有ｄ人藉機會去提出不滿啦～！！
期後．．．我地亦從老細口中聽返當中唔少內容，所以呢個飯局咪出現左嚕～！！

而我地就住老細o既諗法，及後o既打算同埋改變等問題去一一咁分析過．．．
覺得邊ｄ問題係需要留神，又有邊ｄ人或者關係係必需要去防或小心處理～？！

另一方面．．．
除左講到今日呢轉公事之外，今日各同事之間所發生o既事當然都有傾下啦～！！
我地開始發覺呢個工作間o既問題，好多時都係o黎自一ｄ太自以為是o既同事～！！
至於當中o既利害得失當然有講到，同時呢個問題亦都為我地帶出下一個話題～！！

直到宜家為止．．．
無論o係屯門定係粉嶺都好，我倆之間私下相對o既時間都係比佢地任何人多～！！
甚至好多個人秘密或公司秘密話題，都只係有我地兩個知道同埋私下去傾～！！

就連宜家佢o黎左屯門後要約埋出去食飯，我地都會抽起晒佢地班人囉～！！
原因係因為我地都覺得好多野除左我倆之外，其他人係冇必要去知道更多嚕～！！
甚至係因為我地都認為，佢地咁多位都仍然未能夠可以去到呢個交心o既階段～！！

現階段o既佢地都只可以話係好同事，最多都只可以叫做係一個普通朋友啦～！！
至於佢地係咪可以進一步去知道背後更多野，我地都認為係仲需要時間去觀察～！？
因為我地都覺得真係可以選擇得做真正o既朋友，的確係需要附合某ｄ條件嚕～！！

另外．．．
因應佢終於都提出話要去配返條鎖匙用o既關係，所以飯後o既時間就去左搞喇～！！
而且趁呢個尾段時間，我都有同佢講過下佢近日o既表現同其他相關問題啦～！！

由月初直至今日為止，佢各方面o既表現都的的確確係令到我好滿意o既．．．
同時就住佢出現後o既一切改變及牽連，我今晚亦都有同佢提及到當中o既事～！！

佢o既出現．．．
無疑係令到我有更多o既反省，同時亦俾我睇到更多從前唔太為意o既問題啦～！！
而呢一切問題其實唔係唔存在，只係因為當時o既我唔太想刻意去改變ｄ咩嚕～？！
再者當中o既優劣及突破性等範疇，我地o係早前同埋今晚都係有研討過啦～！！

而o係每日o既相處過程當中，真係用心去欣賞同關心對方o既感覺真係好難得～！！
至於呢一種存在o係感情中o既共鳴感，亦都其實係一種難得o既肯定及認同嚕～！！
一句〝識左一年就好似識左十幾年咁〞，就足以證明左我o係佢心目中o既位置～！！