＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
因為今日係星期五，所以『愛人』今早就同我講話佢會返去粉嶺啦．．．
與此同時．．．o係尋晚Marcus同佢o既對話當中竟然有野令我地感到意外喎～！！

原因係因為Macuse今晚會去踢波o既關係，所以佢就打算返佢上水屋企啦．．．
但佢循例上都問左『愛人』今晚會唔會返寶田，如果係返就交低條鎖匙俾佢～！！

再者佢又同『愛人』講．．．
話如果佢得返自己一個係覺得悶或想搵人陪o既，就叫佢搵我上去陪下佢啦～！！
但佢同時又聲明．．．除左我之外，其他人一律都唔可以放佢（地）上去嚕～！！

另一方面．．．
今日lunch時間，三子就同左肥妹、Tina去左飲茶，而呢次就唯獨我選擇左唔去～！！
及後聽返佢地飯局中所講o既野，我都心裡有數知道佢地係會講有關事宜o架喇～！！

佢地五個人一齊食飯，會講o既野多數都會係近日公司o既人同埋事啦．．．
而且佢地各人會有o既反應同埋主導性，亦都已經o係我所預料o既之內啦～！！

而o係佢地完左今日個飯局之後，竟然無啦啦走去成立左個〝飲茶基金〞喎．．．
而呢個所謂o既基金係由『愛人』提出，而且負責幫佢地keep數o既人係我囉～？！

最初肥妹行埋o黎俾ｄ錢我o既時候，我真係完全唔知佢（地）搞邊科嚕～？！
事關肥妹起初同我交代o既時候，我係唔知佢講緊ｄ咩同埋點解要咁做嚕～！！

經過我逐一向佢地班人了解之後，先知道佢地一早傾好左要我去負責嚕～！！
因為佢地話係最可靠、最有交帶同埋最穩陣，所以我係最合適o既人選囉～！！

至於今晚較夜o既時間，我就同阿仔出左去新墟睇午夜場電影啦．．．
其實．．．約到咁夜o既時間先去睇戲，我同阿仔呢轉都真係第一次呀～！！

我地原定約好o既時間係10:30pm去Ｍ記等，不過阿仔最終就遲左近半個鐘～！！
而我地見面第一件會做o既事，當然就係會交代返近日會發生o既事先啦～！！
除左同佢講返稍後要做o既野之外，同時我都有同佢講下近期ｄ經歷啦～！！

而o係我同佢傾傾下野o既期間，偉倫就路經Ｍ記出面而見到我地喎．．．
及後佢就入o黎同我地傾左一陣間計，而我地傾到差唔多時間就去左買野飲～！！

至於我地今次約埋去睇o既戲，就係早前我話想去睇o既〝人約離婚後〞啦～！！
起初o既我地對套片都唔係抱有咩期望，但係睇完之後又估唔到有ｄ反思位嚕～！！

成套片除左有唔少搞笑位之外，講到感情線o既部份就係最令人注意o既．．．
正正就係呢部份o既劇情，令到我地對相處同埋感情兩方面有所感慨同反省嚕～！！

兩個人之間o既相處．．．到底要作出選擇o既時候又係會睇ｄ咩因素呢～？！
會選擇一個對自己坦白但貪玩o既人，定係一個有其隱瞞但全面穩定o既人呢～？？