尋日個人全日keep住火爆之後，今日心情先叫做開始慢慢平伏返ｄ啦．．．
所以今日整體o既心情都算係唔錯，而我亦係時候要去處理下自己ｄ私務啦～！！
早前為左申請屋o既事宜搞左一輪，不過最終因為時間問題而未能完全解決～！！
所以我就唯有托阿仔去幫我試搞，無奈件事最終都係因為有ｄ問題而未能搞掂～？！
至於今日o既我已經冇尋日咁火，所以身邊班同事先敢開始同我講下野啦．．．
而『愛人』就因為今晚o係屯門過夜，所以早就約左我今晚同佢食飯兼買野嚕～！！
其實佢今晚約我外出o既原因，係因為今晚Marcus成家會上去寶田食飯．．．
所以佢就選擇同我外出食飯兼傾下計，同時我又可以陪佢去買埋ｄ佢需要o既野～！！
經過呢次同佢出去買野之後，基本要用o既野就叫做已經接近買好晒啦．．．
不過佢仲有張床同埋部份日用品係仍未添置，所以稍後就要再去搞掂埋佢啦～！！
我地原定o既計劃係打算收工一齊走，點知佢無啦啦又俾老細捉住左啦．．．
而最頂癮o既係．．．佢要同老細行到去兆康站，之後先可以折返寶田嚕～！！
至於佢今次咁做o既原因，就係因為佢唔想俾老細知道佢暫搬左過o黎寶田嚕～！！
有見及此．．．
我就梗係先返左屋企一轉，之後先再同佢電聯約好時間出門口啦～！！
因為我需要返屋企擺低ｄ野o既同時，佢都需要先返寶田一轉去搵Marcus拎鎖匙～！！
大約7:00pm左右．．．我最初全打算過去寶田搵佢，之後同佢搭車出去啦～！！
點知呢個時候o既佢又行緊過o黎搵我，所以我就唯有叫佢改去Ｍ記到等我喇～！！
會合之後首先就講左一大輪公司o既事，同時又講下佢今晚出外o既原因啦～？！
因為佢今早o係公司突然約我o既時候，我已經覺得佢係咪因為某ｄ原因而咁做～？！
及後佢就話．．．我宜家約自己個『情人』一齊出去食飯係咪有問題先～？！＝．＝”
而且佢又話佢約親我食飯，我都總係會問佢原因同埋對佢有所懷疑喎～？？
至於飯局方面就好簡單咁完成，而且飯局當中所傾o既多數都係公司事啦～！！
事關呢排公司班麻煩同事都真係好麻煩，所以呢排ｄ風風雨雨咪特別多囉～！！
而我地除左講到公事之外，當然都係會傾下我地之間o既私事啦．．．
上次我就問到佢關於對朋友o既擺位，而今次就問到關於情人及知己o既擺位喇～！！
經過呢一次o既問答之後，當然係會令到我對佢o既諗法又了解多左啦～？！
至於個飯局好快咁完左之後，今晚外出o既任務就要正式開始喇．．．
首要就係幫佢去買左ｄ佢計劃要入o既衫褲先，之後就同佢去買埋堆日用品啦～！！
不過張床就因為屋主o既問題同埋間野閂左門o既關係，所以最終都係冇得搞～！！
淨係呢段幫佢買野同埋安頓佢o既時間，佢都已經唔知俾我鬧左幾多次喇～？！＞＜
我單係同佢講．．．叫佢試下keep住一個月唔使俾我鬧，都已經好有難度喇～！！
而佢就淨係識叫我唔好要求咁高，又叫我唔好乜野都咁緊張同咁在意喎～！！
我話如果唔係我下下跟住佢，我就肯定唔使咁勞氣同埋對咁多野都要上心記住～！！
同時佢又話佢習慣左俾我照顧佢，仲話經我跟佢ｄ野就會好放心同感覺好好喎～？！
而o係完晒今日要買同搵o既野之後，我地就決定一齊行返去屋企啦．．．
至於路程間就繼續乜都會傾下，最後交代埋ｄ佢應該要做o既野之後就正式散～！！
花千樹
戀愛若然像旅行
風景看盡至甘心
就怕給你走遍世間 仍可能
疑問宇宙有沒世外桃源 尚要覓尋
一見就情定某人
等於對待你殘忍
誰能保証終生不抱憾
沒更好在眼前等
遇過 很多很多戀人
一朵花跟森林
你未決定哪邊合襯
如何投入你情感
害怕 今天挑選這人
轉角有個某君
送贈更動魄的熱吻
你為何沒有等 一早已被困
花滿地 奇樹滿林
花多眼亂難評分
回頭只怕兜兜轉太耐
沒有採就已黃昏
遇過 很多很多戀人
一朵花跟森林
你未決定哪邊合襯
如何投入你情感
害怕 今天挑選這人
轉角有個某君
送贈更動魄的熱吻
你為何沒有等 一早已被困
大概 你也抱歉得很
傷了幾百個心
也未決定那位合襯
或你知 事到如今
共你 應該一起的人
已變了做至親
看著你共誰合又分
美事還未發生 冬天已漸近
文章定位：
人氣(45) | 回應(0)| 推薦 (
0)| 收藏 (
0)
全站分類:
不分類
