＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

完左所謂o既四日假期之後，終於都要好唔情願咁返工喇．．．
尋晚我已經因為好多野而搞到個人憫憫地，所以趁住眼訓就走左去訓～！！

今日一早就同阿仔SMS左一輪，但無奈我今日全日都係著晒火囉．．．
其實我尋日一返到香港之後，我就已經隨即SMS同埋打過俾阿仔o架喇～！！

事關我除左想同佢講下呢兩日o既事之外，另外就係有野要佢幫我跟埋啦～！！
而我早前交俾佢去完成o既任務，佢係今日就已經完全幫我搞掂好晒喇～！！

同時佢今日都同我約實左，我地會o係呢個星期五晚一齊去睇戲啦．．．
等佢同我交代好晒ｄ事情之後，我就要繼續面對今日要我去解決o既問題呀～！！

今早一返到公司見到自己張檯，就已經有一種淪陷左o既感覺囉．．．
擺到成檯野等我完假返o黎逐樣清之餘，另外就係有一大堆九唔搭八o既野添嚕～！！
尋晚諗起今日要返工o既時候，我已經有種好討厭同埋好抗拒o既感覺o架喇～！！

除左要面對一大堆未做o既野之外，最煩o既係要見班令我覺得好煩擾o既人嚕～！！
將各種唔同o既元素加埋之後，就足以令我由開工火到收工都仲未火完呀～！！

另一方面．．．
今日唔知今日發生左咩事，由今早開始就已經有同事約我一齊食飯喇～！！
先後有三子，孖妹同Anti都想約我食lunch，至於孖妹本身仲想約埋我今晚添～？！

但係因為時間上o既安排問題，我最終都係根據佢地約我o既次序去應約．．．
所以今日餐lunch就留左o係canteen同Anti食，至於收工後就梗係返左屋企抖啦～！！

就係因為我今日全日都好火o既關係，所以今日大致上都冇人敢o黎惹我～！！
而我同『愛人』今日都冇咩講過野，全日都只係o係佢收工o個陣傾講左一陣嚕～！！