＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
上年o既呢個時候去左澳門玩，估唔到今年呢個時候同樣去左呢到玩喎．．．
幸好呢兩日o既天氣未算係太熱，所以出外玩或者行街都唔算係太辛苦啦～！！

首日因為要出門而要早起，所以呢日絕大多數時間都係覺得自己唔夠訓～！！
但係經過左一輪飲飲食食之後，我就開始有返ｄ能量去繼續行程啦～！！

其實呢兩日o既行程同上次大致相似，所以呢次就冇咩特別驚喜喇．．．
而一心諗住難得可以離開香港去玩返兩日o既感覺，最終都只係覺得麻麻地啦～！！
畢竟當中發生過唔少問題，而且我又一連幾日都冇一覺好訓過添呀～？！

而今次之行裡面，我地第一餐就係去一間當地幾出名食萄國餐o既餐廳食野啦．．．
其實呢轉所食o既野都算係好好味，而我人生第一次飲酒o既經歷就o係呢到喇～！！

原因係因為佢地點左一堆野食之後，仲點左支叫做果酒咁上下o既野啦．．．
起初佢地話呢支野只係生果溝埋汽水，只係當中會有極少極少o既紅酒成份～？！

所以．．．我起初肯飲o既原因，都只係抱住個嘗試一下o既心態啦～！！
點知飲左大約一杯之後，我就開始覺得好眼訓同埋自己有ｄ九唔搭八o既感覺嚕～！！

由於我係個完全唔飲酒o既人，所以第一次有呢種感覺都真係好難忘呀～！！
及後我地就繼續去行街同埋食野，至於夜晚時段我就曾經打過俾『愛人』啦～！！

因為我一連兩日都唔o係到，而我又唔係太放心佢自己一個o係呢邊喎．．．
所以我就打返o黎問下佢當晚身處邊到，同埋當日公司有冇咩發生而令佢不快啦～？！

最終o係我完晒兩日行程之後，我返到o黎香港先一一咁同佢再詳談呀．．．
我只係離開左兩日，估唔到佢就已經有咁多野要同我講同埋等我返o黎商議嚕～？！

佢同Marcus搞間屋都已經搞左一段時間，但到左今日都未能夠完全埋晒尾～！！
單係呢兩日．．．佢就已經冇o係屯門到過夜，而搞到要返過去粉嶺到訓喇～！！

而令到佢有咁樣安排o既原因，估唔到公私兩邊都有原因而令佢要咁做囉～？！
佢除左要繼續幫部電腦救亡之外，另外老細又交左ｄ野要佢返去睇同埋學啦～！！
同時佢係仲未有呢邊間屋o既鎖匙，所以最終就令佢選擇左返佢屋企到訓喇～！！

而同佢傾完一眾問題之後，我就叫佢好盡快做好晒ｄ野等佢可盡早安頓喇～！！
不過佢話呢兩日除左有以上問題之外，另一重點就係因為我又唔o係呢到啦～！！

雖然我未能完全確定佢答o既野係咪真話，但我就因為咁而俾佢鬧左一轉呀～！！
佢話我成日都覺得佢答我o既野都係fake緊我，又話我連最基本信佢都做唔到嚕～？！
其實．．．我都唔知係咪因為過住o既事，而令我不自覺地有呢個本能反應呀～！？