＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

日前同自己班同事食左餐飯之後，好多問題就開始出現喇．．．
同時第二日『愛人』已經知道自己闖左禍，所以佢就要諗辦法出手喇～！！

其實．．．令我最唔高興o既，係佢當晚突然決定同阿俊北上一事啦～！！
由於早前已經同佢傾過叫佢要適可而止，而且佢亦承諾過會守規矩喎～！！

一個星期內就上左去四次，而且個數已經係超過左我可以接受o既數字啦～！！
再加上佢咁樣匆忙上完去之後，第二日要開工又會令佢覺得體力透支喎～！！

經過反覆諗過一眾因素之後，我就決定第二日向佢表示不滿其表現．．．
我知道我唔做到出面，佢根本就唔知我係嬲緊佢同埋令佢肯反省問題所在～！！

由於我呢日完全冇同佢講過任何野，所以佢要去到收工後先敢打俾我啦～！！
佢一開波就已經知道自己衰左，同時我亦聽得出佢的確係有諗過問題所在o既～？！
因為當佢問我係咪嬲左佢o既時候，佢有就住我o既反應去諗返晒所有可能性～？！

就住呢件事我就已經同佢講左，而且亦同佢再一次重申我o既底線同立場．．．
由於某ｄ事情發生左之後，某個可以幫到佢求情o既人又未必會再一次出手～！！
所以我都已經作出最後警告，佢再係咁重覆犯錯o既話就一定會死梗嚕～！！

至於今日第七場生日飯，就係再一次同我ｄ同事一齊去食lunch啦．．．
不過今次呢餐就加入左肥妹，而且呢餐飯就由佢同Tina兩個夾份請我o既～！！
另一方面．．．是次同場o既人，其實係仲有三子都有一齊出去食啦～！！

我同佢地五個相處都絕無問題，因為我o係佢地眾人心目中都係好人一個～！！
而且對於佢地不論係好動定好靜o既性格，我都可以同佢地有話題傾到嚕～！！

其實我地六個人宜家o既關係同問題，我同『愛人』都先後傾過數次．．．
而且我地亦都知道問題所在，無奈呢ｄ相處同性格上o既問題係好難改變到～！！
總之．．．我地都清楚彼此之間o既定位，咁就可以知道自己應該點做嚕～！！

不過再經此一役之後，我就更加肯定我o係『愛人』心目中o既地位啦～！！
因為佢真係好驚我嬲佢兼唔理佢，而佢亦肯為件事去做補救同埋反省嚕～！！

至於今日正準備收工之際，我就俾老細扣起左同佢吹一排水先可以走得～！？
而我原定其實就約左Tina一齊走，但無奈呢個時候『愛人』又同樣打左俾我啦～！！

而我今日要遲走就一定係事實，但佢地中間又係咁call我問我走得未喎～？！
無論我最終決定去見邊一個都好，其實佢地點係要做等我o個個人囉～！？

不過．．．
我最終都係決定去見『愛人』，同佢傾下近排公司及私人上o既各個問題啦～！！
至於佢於日前已經同我講左，佢搬o黎屯門一事或者會提早八月左右就成事呀～！！

就住近日及佢搬o黎之後o既一連串可能性，我於日前亦已經同佢傾過．．．
而呢一切o既可能性如果唔及早諗好解決方法，或者日後就只會更加煩呀～？！

雖然『愛人』上年先正式出現，不過呢段時間o既經歷真係令我諗起唔少往事．．．
同佢相處o既每段過程當中，好多事情都令我諗起從前o既阿二同埋阿三呀～！！