＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
話咁快就已經o黎到第八場，慶祝飯局或活動亦開始步入尾聲喇～！！
今場係我同我表哥約埋一齊去唱Ｋ，因為呢個計劃都真係講左好耐喇～！！

我地兩老表一直都因為工作時間關係，而令我地可以約到o既時間有限～！！
所以呢次能夠約到都真係難得，而我地今次一唱就唱左近六個鐘時間呀～！！

至於今次活動地點方面，就應佢要求去左Megabox間CEO Neway到唱～！！
我本身都係第一次踏足呢個場，不過呢到o既感覺同設計又真係幾型幾靚嚕～！！

由於我地約左10:30am就要去到，所以今日一早就要起身搭車出去喇．．．
去到會合埋表哥之後，我地就邊行邊講下我地表弟近日ｄ生活事丟啦～！！
除此之外．．．我地近日各自o既生活事同感情事當然都有傾過下啦～！！

而o係我地唱緊Ｋ之際，我就先收到『愛人』來電話佢已經出緊街喇～！！
其實佢早就知會左我，佢今日要外出去睇相、同朋友去睇戲同埋買油整新居～！！
不過佢就因為冇預早問好我搭車方法，而令到自己要兜大圈先去到葵興囉～！！

另一方面．．．
阿仔今早亦有同我SMS左一排，而佢主要都係問下我ｄ場數完左未啦～？！
同時．．．我亦有向佢講過下有關稍後佢將會同『愛人』正式會面一事啦～！！
雖然有關安排宜家仲係洽談階段，不過我覺得最終都係要有一次o既～！！

至於唱完左六個鐘歌之後，我同表哥就o係德福附近行左一陣啦．．．
我地有去左睇過下ｄ新碟同埋新手機等，而且我地又試玩左一排ｄ耳筒機～！！
試左一排之後，我地都發覺用呢ｄ新式耳筒聽歌又真係幾唔同感覺嚕～！！
而今日o既野搞到大約5:00pm左右，我地就決定就散水各自返去屋企喇～！！