＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

年度第六場o既生日飯局，今日收工後就同左班同事出去食喇～！！
而今晚就有我、『愛人』、俊俊，肥仔同埋Tina合共五個人一齊啦～！！

由於地方已於早前由阿俊決定左，所以收工後就齊齊去搭車．．．
我地大約6:30左右就已經抵達新墟，最初大家都諗下陣間會仲有咩好做啦～！？

不過o係未諗到有咩做之前，大家o既決定都係先食左野再諗啦．．．
五個圍埋都叫做有野講下，不過主力就都係圍繞住近期ｄ公事上o既野嚕～！！

由於呢排OPD班同事因為工作而產生一連串問題，所以近日就有唔少風波～！！
當中涉及到『愛人』o既就更多，因為佢呢期係班搞事同事o既矛頭呀～！！

另一方面．．．
佢地三子亦都就住近日o既風波，而係呢場飯局裡面叫做傾過下啦～？！
但係我從佢地各人o既答案當中，仍然聽得出佢地之間係欠缺默契同合作性～！！
或者．．．呢ｄ根本就人o既本性啦，因為宜家個矛頭主力都係『愛人』丫嘛～！！

至於Tina方面．．．我都知道佢近日都因為公事而搞到非常之唔開心啦～！！
同時我亦都好清楚．．．就算佢有咩唔開心，佢都唔會同三子去傾嚕～！！

當大家食完呢餐飯之後，佢地幾個就各自都好努力咁諗下有咩想做喇～？！
雖然佢地都提出過唔少建議，不過最終都冇一個可被我地一致所接納嚕～！！

而o係開始呢餐飯之前，『愛人』話我今年今晚應該會好開心啦．．．
因為今晚有佢地四個陪我慶祝，同時佢又問到上年今日o既我又做緊ｄ咩喎～？！

我知道o係佢四人各自o既心目中，我o既排位同埋印象都可以話係唔差．．．
但無奈我同佢地又真係好唔同，所以兩個世界o既人或者就只可以去到呢到～！！

至於o係『愛人』同阿俊又決定北上之後，我地最終都決定散水啦．．．
不過我就同Tina去左市中心附近傾左一排，因為我都知道佢近日係有心事嚕～？！

聽佢呻左一輪兼又俾左ｄ意見之後，希望都叫做幫到佢舒緩下ｄ不快啦～！！
同時o係呢次對話當中，我又更加知道做朋友呢樣野真係好靠後天o既努力嚕～！！

有好多野有緣有份先可以拉得埋一齊，不過夾唔到就始終係夾唔到～！！
我知道佢地個個對住我都冇問題，一旦散開要傾到野o既話就肯定會有難度嚕～？！

另一方面．．．
由於『愛人』早前已經上左去三次，所以呢轉又的確令我覺得好不滿～！！
雖然我唔認同佢咁樣去到盡o既玩法，但我最終都仍然選擇唔出聲去話佢嚕～！！

至於o係我地呢轉飯局臨散之前，我同『愛人』之間又差ｄ出事喇～？！
主力究竟因ｄ乜出事就真係唔太知，不過佢無啦啦話我對住佢係要鬧唔係又鬧～？？
而o係我一剎那突然好火o既反應之下，我就當眾好惡咁發左佢一次脾氣嚕～！！