＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚有一個飯局係幫Tracy補祝生日，所以我地又再次約埋一齊啦～！！
不過今次有所不同o既，就係平時玩開o既人都冇出到場啦～！！

至於未去飯局之前，我就要先出去葵芳到訂左架新車啦．．．
期間『愛人』曾經打o黎問我去左邊，就咁我地又吹左陣水啦～！！
及後就搭車落返旺角，因為我同Raymond就約左o係朗豪坊到等嘛～！！

會合左佢之後，我地就行左一輪睇下有咩生日禮物好買啦．．．
最終佢都係揀返上次去買朱古力o既舖頭，咁樣我地就叫夾份送左份禮喇～！！
期後我地就o係到繼續行街睇野兼買野，而我就買左一套新衫俾自己啦～！！

行到差唔多夠鐘之時，我同Raymond就先行上去今晚食飯o既地方啦．．．
佢同Tracy一路通訊交代，講返俾佢知我地已經到達左目的地等緊大家喇～！！

而今晚呢轉飯局除左我同Raymond之外，咁當然仲有Tracy同埋阿Ken啦．．．
另一方面．．．今晚呢個約竟然仲有一個好耐冇見o既舊同學都有一齊出席啦～！！

起初大家見返o既時候都冇咩講，最多都係講下大家o既近況同埋生活啦．．．
而我同Raymond就兩個傾下計咁啦，大家圍埋食下野同埋吹下水咁又一晚啦～！！

食完飯之後．．．我地就轉戰去左間Caffee到飲野同埋玩下game啦．．．
不過當中覺得好悶o既時間，我就係咁同個仔玩SMS傾計兼講俾佢知現狀嚕～！！
同時呢個時間『愛人』又打o黎搵我，主要係想同我講佢要同朋友出街食宵夜～！！

至於全晚整體氣氛其實都唔差，只係我今晚好似冇咩特別話題同佢地傾．．．
所以我今次就變得比較少野講，最多都係聽佢地講又或者求其答返兩句啦～？！

唔經唔覺玩到差唔多接近12am左右，我地都係決定係時候要散喇．．．
車程期間咪繼續同Tracy吹水同埋講下及後活動計劃，希望大家多ｄ聚下啦～！！