＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日雖然都係放假o既日子，不過心情始終都係麻麻地咋．．．
問題主要係因為出自我唔夠訓，加埋今日又係咁俾屋企人煩住晒啦～！？

尋晚玩完返o黎已經夠晒夜訓，最無奈係半夜竟然俾個不明來電嘈醒左嚕．．．
而之後好難得先可以再訓得返，但極度無奈係晨七就俾我屋企人嘈醒左我喇～！！
加埋只係訓左太約四粒鐘o既情況下，今日o既心情想好都幾難啦～！！＞＜”

起身之後依然覺得個人好累，而且係我又唔想開口同任何人講野住．．．
所以等屋企人出晒街之後，我就約左個朋友一齊落去附近食Lunch算啦～！！
食飯兼吹水呢ｄ環節一向都唔變，期後我就閃返上屋企繼續玩電腦啦～！！

一心諗住佢地出左街就可以靜下，放假終於都可以休息下個人啦．．．
無奈o係佢地返到o黎之後，佢地又繼續發揮佢地o既『問題』本色囉～！！
唔夠訓以致到心情差，咁樣再加埋佢地煩多兩煩就令我更加燥底啦～！！

由於我已經知道自己開始唔耐煩，所以就諗住約屈姐陣間落街hea下啦．．．
而我原本計劃如果今日冇特別約會o既話，我就專心留o係屋企好好抖下～！！
因為呢期都真係多左好多應酬或飯局，所以個人都已經夠晒累嚕～！！

至於原定今晚同Tina及『愛人』o既飯局又冇左下文，所以都諗住唔理啦～？！
正o係我約左人有夜晚安排之際，『愛人』就突然間打o黎約我過去佢到嚕～！！

所以我就唯有即時推左屈姐同個朋友，而晚飯後o既時間我就出左去喇．．．
大約8pm左右就去到『愛人』屋企樓下，點知佢就已經o係車站等緊我喇～！！
由於我去到上水之時仍然尚早，所以我就選擇左行路過去粉嶺搵佢嚕～！！

當我同佢會合左之後，首要就係陪佢去買左ｄ佢要用o既野先啦．．．
之後我地就o係佢附近搵個地方坐低吹水，同時今次之行就知多左個秘密啦～！！

其實今晚o既聚會應該係仲有Tina啦，不過佢就因有事在身而缺左席喇～！！
但係『愛人』就話得返我地兩個就仲好，事關我地兩個傾野就更加方便喎～！！

山長水遠咁去到佢到之外，我另外仲帶多份『手信』預備俾佢啦．．．
知道佢呢期好迷楊丞琳o既關係，所以我就特意準備左隻歌send俾佢啦～！！

而佢．．．就用左佢原來係有兩間屋o既秘密o黎換我今次之行喇～！！
而且佢仲話之後o既日子，我可能會知道或收到更多唔同o既surprise添呀～？！

至於我地呢轉要傾o既重點話題，就係關於佢感情方面o既事宜啦．．．
因為一段關係或感情o既開始，往往都可以因為新鮮感而令自己變得盲目啦～！！

而佢．．．現階段就正處於緊去考慮示愛定係唔示愛o既兩難局面中啦～？！
雖然佢同呢個女仔已經識左五年，而當中o既相處亦都見得係幾好咁～？！

不過係咪真正可以做得成情侶，其實都仲有好多問題同因素要去考慮啦～！？
而佢今晚亦都提出左一個好現實o既問題，雙方住o既地方其實都係一個考驗～？！

另一方面．．．
關於佢同Tina之間o既相處問題，其實我地今晚亦都有談及過啦～！！
其實每個人o既性格都有所不同，自然其相處o既模式亦都係會有別啦～！！

而我．．．今晚亦都從佢口中聽過晒其他同事o係佢心目中o既印象同定位啦～！！
或者呢ｄ就叫做人夾人緣，我同佢之間o既互動相處方式就令我地就咁friend左～！？

另一方面．．．
其實佢今日下午打俾我o個陣，佢都已經feel到我今日心情唔多好喇～？！
唔知係咪因為咁o既緣故，所以佢就特登約我出去見下面兼吹下水啦～？！

傾計傾到差唔多10pm左右，我地就叫做正式完結左今晚呢轉會談喇．．．
其實經過下午o既電話對話之後，我對佢o既信任程度無疑係比之前多左啦～！！
而且再加埋今晚呢次見面o既感覺，佢o係我心目中o既定位的確又係好左囉～！！