＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
呢幾日心情都係麻麻地，而日前又SMS同個仔傾過下計．．．
由於佢知道我呢排脾氣開始唔係太好，所以佢今晚就過o黎陪我傾左一排計～！！

今日收工兼食完飯之後，阿仔就過左o黎搵我陪左我一排啦．．．
今轉見面太約都係講下近日ｄ事，又同佢講下我心情突然間轉差o既問題啦～？！

阿仔話．．．我心情突然間轉差，好可能係同呢排o既天氣太熱有關～！！
因為佢都知道如果身邊冇咩人激親我o既話，夏天天氣係足以令我突然咁燥～！！

而我除左同佢呻下呢排ｄ事之外，另外亦有同佢講下之後o既事宜安排啦～？！
因為下半年度活動即將展開，而且佢又差唔多時間要搞搞佢個look啦～！！

至於今晚o既重點題目，就係講下我同『愛人』之間o既相處問題喇．．．
要建立到一段好o既關係，時間同埋彼此之間o既努力同埋心機都係好重要啦～！！

單單就住現階段去睇，我都承認『愛人』o既表現已經叫做唔錯啦．．．
而且佢比起初初出現o既時候，佢又的確有唔同到同埋有相關o既改善啦～！！

但係．．．佢能力真正可以做到o既，又係咪真係只係得咁少呢～？！
我開始覺得自己對住佢都好矛盾，因為佢雖然未係最好；但係又唔係好差喎～？！
到底．．．係我地相處o既時間未夠多，定係我要改變下對佢o既定位呢～？！