＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚又要同人出街食飯，而且仲要一去又去到好夜呀．．．
收工之後約埋Tina一齊走，一齊去到西鐵站兼送埋佢上車之後就走～！！

期後我就過去龍表弟間新屋到會合大家，因為華表哥都已於早前到左喇～！！
上到佢屋企之後就先同佢地吹陣水，之後就幾個圍埋打左一陣機啦～！！

因為除左我地三老表之外，另外Raymond今晚亦都有到場一齊玩啦．．．
不過佢就因為要收工後先由灣仔入o黎，所以我地就玩住等佢喇～！！

而等到Raymond都到埋之後，我地就繼續打多一陣機同吹下水先啦．．．
到大約8:30pm左右，表弟就提議由佢開車載我地落去元朗食晚飯喇～！！

第一次去佢新屋兼搭佢車，而佢開車o既功架亦都算係好穩定啦．．．
我地首先去食左一餐好貴o既大排檔晚飯，而飯後就轉戰B仔涼粉作結～！！

其實今晚o既飯局安排，主要都係由我兩個老表商議同決定o既．．．
因為表哥話未佢食過B仔同埋兼想食大排檔，所以表弟就有呢個安排嚕～！！

四個男仔圍埋咩都有講下，部份話題仲涉及到拍拖及結婚添呀．．．
除此之外．．．我地都有就表弟話想轉行一事傾過同埋俾左ｄ意見佢啦～！！

經過今晚一聚，突然間又令我回想返好多童年時生活同埋眼前o既改變呀．．．
而o係今晚傾o既話題當中，表哥都講到人生當中係會有好多野要取捨嚕～！！
而我地都好應該為自己生活好好諗下，到底自己想追求o既到底係ｄ咩嚕～？！