＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

繼上星期生日飯局完左之後，今晚又再次有飯局約埋一齊吹水喇．．．
其實呢個飯局原意係因為阿姨話搞而約，但最終佢自己就缺席唷～！！

至於呢次有o既人，就包括我、大妹、三妹、屈姐同埋秘書喇～！！
最初都係先約埋o係市中心等，期後先再諗去邊到食同埋食ｄ咩啦～？！

而我下午時間就出過去葵芳，因為我原本係諗住出去搞埋ｄ野o既．．．
點知最後都係唔使預早搞，所以之後我就去沙田會合埋秘書先返屯門嚕～！！

至於出走去外邊之前，今日就應約同左個朋友出去食lunch啦．．．
咁o岩o係到食食下野o既時候，我竟然撞到大妹同埋屈姐又落o黎食野喎～！！
見到面之後就咁打左個招呼就算，反正我地今晚都會再聚再傾嘛～！！

而食完野之後就繼續同個朋友傾左陣，之後我先返屋企換衫走人．．．
而秘書今日下午就去左沙田，因為今日下午有佢鍾意o既跑馬吸引左佢入場嚕～！！

至於我o係下午6:30pm會合埋Raymond之後，就一齊搭263返入o黎屯門啦．．．
而我今日o係去沙田同返屯門o既車程間，先後收過Angela來電問路點去蝴蝶灣呀～！！
原本我都諗住叫埋佢一齊o黎，不過佢今日要同人去旺角行街同埋去BBQ喎～！？

另一方面．．．
當我地搭緊263返屯門之時，其他人其實已經陸續咁去緊市中心啦～！！
所以我地最終先揀定左地方會合，及後就由大妹決定落去何福堂食野喇～！！

而呢轉飯局，我地幾個就住婚姻、拍拖同埋友誼等問題先後傾過啦～！！
由於十月份將會有人結婚，所以呢個焦點都會成為我地要傾o既野之一啦～！！

原來我地對相處之道呢方面，個個都有住唔同o既見解同埋感受喎～！！
不過我地都同時覺得，兩人之間o既相處莫過於都係要識尊重、溝通同維繫啦～！！

畢竟所有關係同埋感情，都係要靠兩個人共同o既努力先會有將來．．．
單單只係得一方自己去努力，咁樣所有o既野最終都只會係冇好結果囉～！！＞＿＜

就住所有問題都傾過下之後，呢次簡單o既飯局聚會就正式要散喇．．．
期後大妹就應家明哥約要先行離開，而我地就先後送埋三妹同秘書去搭車啦～！！

知道三妹終於都搵到新工，我地幾個都好替佢開心同埋祝佢新工順利啦．．．
而o係今晚o既傾談當中，我地又聽到三妹曾經有過自己開舖o既念頭喎～？！

送晒佢地去搭車之後，我同屈姐就齊齊行返屋企樓下繼續吹陣水先啦．．．
最後呢轉就傾到友情o既問題，其實人係有有過經歷就會清楚自己要ｄ咩囉～？！
至於能唔能夠做到真正o既朋友，我就真係相信緣份同埋及後雙方o既用心嚕～！！