＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

一連兩日都有活動同埋飯局，同時一兩日都有同『愛人』通過電～！！
周末首日(24/4)就同一班親戚出左去行街食飯，所以呢日就由早忙到晚啦～！！

上段時間就先去左葵芳拎車兼行左陣，期後佢地就話要轉戰沙田喇．．．
去呢到一行就行左半日時間，至於夜晚就成班人入左火炭到食晚飯啦～！！

至於食完飯之後，我就連同屋企人搭左73A返上水再轉車返o黎啦．．．
一心諗住夜晚搭呢條線應該都唔太慢，但點知最尾都係中左伏囉～！！＞＜”

正正就係知道73A會經『愛人』屋企，所以就打俾佢吹左陣水啦．．．
而最巧合o既．．．就係當我架車去到佢樓下之時，佢竟然問我去到邊喎～？！

我就梗係要繼續行程搭返上水，而佢就約左朋友去粉嶺中心吹水喎．．．
咁當然當中o既對話就少不免互串下，而佢亦繼續有發揮佢o既搞笑本能啦～！！

至於今日(25/4)就因為要落上水，所以回程就諗住搭261返o黎屯門算啦．．．
點知．．．咁都竟然俾我望到『愛人』坐左o係對面線架A43到囉～！！
起初我自己都未敢完全肯定o架，所以之後就SMS左佢諗住確定下先嚕～？！

點知咁樣一確定之下，我就更加肯定自己o既視力原來係好冇問題囉～！！
兩部車o係公路上分別開緊對頭，但係咁都竟然俾我望到兼仲要認得出佢囉～！！
而呢件事當然亦令我地有通過電，因為我會令佢覺得呢件事有點兒出奇卦～？！

至於夜晚．．．我就因為要幫大妹轉交野俾Angela而出左去元朗啦～！！
此行除左要俾野佢之外，我當然都有同佢食飯同埋講下近日發生o既事啦～！！
經過一個飯局o既時間之後，最後陪佢去埋晒佢要o既野就一齊去搭西鐵返家喇～！！