＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

   
呢幾日一連串發生o既事，都好難令我有個開心o既心情去放假～！！
但係呢幾日就咁o岩有親友來左，所以我都要幫忙去招呼佢地啦～！！

再堅強o既人都總有軟弱時，一臉倦容o既我亦都呃唔到人喇～！！
除左一班朋友及同事o既關心外，佢地都問及到我係咪係有心事而唔開心～？！

我知道自己有住唔少責任同包袱，但呢ｄ都係冇得逃避而要去面對～！！
所以．．．近年o既自己就更要自己知道同學識”人前的表現”囉～！！＞＿＜”

無論我係有幾多不快都好，我都唔希望令身邊人擔心自己呀．．．
所以我就更加要學識靠自己去解決，唔好成為自己身邊人o既一個負擔～！！

人前o既我．．．會盡量表現得理性同開心，但係返到房o既我就係另一回事～？！
或者就係因為呢個形象，所以就令我身邊一眾o既人都會覺得我係比較成熟啦～！！

 
至於今日就因為要做招待，所以就同左親友們出左去尖沙咀行街啦～！！
因為臨近聖誕節o既關係，所以呢一區亦一如以往咁佈置得好靚好有氣氛嚕～！！

難得遇到一ｄ咁美麗o既野，當然我地都會影返唔少相去留念啦．．．
聖誕節o既裝飾再加上香港美麗o既夜景，真係更令我期待節日o既來臨呀～！！

一年到晚．．．令我覺得好有感覺同埋最好氣氛就係呢個大節喇～！！
因為過節最好o既感覺，都不失為身邊一班好朋友式重要o既人陪自己去過～！！

至於同佢地行完左尖沙咀之後，就同佢地去睇我今年第二次演唱會喇～！！
早前同個仔睇完第２場之後，今晚就同親友去睇Ｊｏｅｙ第９場演唱會啦～！！

 
雖然我係好鍾意Ｊｏｅｙ兼喜歡睇演唱會，但係今晚o既感覺就只有感傷～！！
或者真係聽到ｄ歌而有所共鳴，所以我內心先會覺得有種難以形容o既感覺啦～！！

雖然都係Ｊｏｅｙ個演唱會，但場次不同真係會連帶感覺都會唔同嚕～！！
而今晚佢唱左o既歌同上次係有分別，所以又係我人生o既另一次o既體會啦～！！

今晚同上次都係一樣，Ｊｏｅｙ全晚唱o既歌雖然同上次係有分別啦．．．
但流程大致上基本係冇變，而我同樣都係識晒佢今晚所唱o既全部作品啦～！！

而隨住呢兩場演唱會o既落幕，即係代表住即將就步入今年最後一個月喇．．．
點解次次去到年尾時間，都總係有一大堆問題出現而令我唔可以開心咁過呀～？？