＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

近日家族上先後出現唔少問題，而自己亦同時有唔少煩惱事～！！
呢幾日已經先後同幾位掛牌通過電話，就住佢地o既問題去傾過啦～！！

我突然間覺得好奇怪，係咪臨近年尾時間就好多人會選擇分開呢～？！
感情呢樣野真係好奇妙，因為呢樣野真係可以拖垮你身邊好多事情～！！

同四妹近日探討過唔少話題，同時亦都可以令我學到更多野啦～！！
透過彼此間o既相處同對話，其實真係一個最好o既溝通同了解o既渠道嚕～！！

而今日係本星期最後一個工作日，一心諗住完埋今日就可以放假～？！
點知今日下午就發生左一件不快事，令到我放假o既情緒完全咁冇左～！！

屋企方面已經令我有唔少壓力，而公司方面就更甚更甚啦．．．
呢排已經夠晒多野做兼多野要煩，但係老細就竟然完全唔體諒自己o既難處～！！

日做夜做都希望可以做好ｄ野，但換來o既就竟然係一個又一個不滿嚕～！！
呢份工已經冇野可以令我有所期望，做得越多就只係會錯得越多囉～！！＞＜”

如果佢係要咁不滿我，無論我再點樣努力幫佢去做都係冇意思嚕～？！
下午就係為左好多根本係冇意義o既事，而令我同我老細開左一次火嚕～！！

呢份工令我覺得好大壓力一事，其實我身邊o既人已經近乎全部都知～？！
佢地亦都已經先後開解過我，叫我盡量用放輕鬆o既心情同態度去面對～！！

正正因為呢一場火，所以收工後就俾一班同事約左我出去傾計啦～！！
雖然呢班同事合作左唔係好耐，但其實佢地都係好不滿呢個工作環境嚕～！！
而且呢到o既人事問題同老細o既處事方式，亦令到一眾同事感到非常不滿～！！

呢班同事知道我同老細開火之後，佢地都好關心我o既情況啦．．．
因為佢地一向都覺得我好忍得同就得人，但我宜家都竟然去到要爆o既階段～？！
所以佢地都知道我已經去到一個頂點位置，我先會迫不得已要咁做～！！＞＜”

出去同佢地傾完之後，我就要過去市中心會合返Ｔｒａｃｙ喇～！！
因為我地去ｃａｍｐ一事已落實，所以我就去俾返ｄ錢佢兼傾下計啦～！！

都係同一段說話，呢排身邊人都好理解我內心o既鬱結同埋無奈．．．
或者我地都有過同樣經歷啦，所以Ｔｒａｃｙ就會更明白我o既感受囉～！！