＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
又到左假期o既尾聲，今日終於都可以同個仔一見喇～！！
早前知道個仔有唔舒服，所以就買左ｄ野俾佢同埋打算拎俾佢啦～！！

就到個期就係今日下午，所以個仔完晒ｄ野就過來搵我啦．．．
而我地今日呢一見，對我而言的確係一個好好o既機會去傾計啦～！！

就住近日家族上o既事宜傾過，而大家亦傾到唔同o既範疇啦．．．
工作、事業、將來、家庭、生活及朋友等，我地都係時候再次拎個共識～！！

好多範疇係一個不變因素，所以我地根本就因為責任而冇得揀啦～！！
而o係我地可以選擇o既範疇上，到底我地又應該點樣去衡量同埋處理呢～？？

好多野都希望自己做到最好，希望見到自己最錫o既人開開心心啦～！！
呢一年經歷左唔少o既改變，除左令我學會反思之外；同時學識咩係『愛』～？！

關係或感情o既付出同收穫，都知道絕對唔可能係成到正比唷．．．
但係過程中o既維繫同努力，或者就係我地要去考究同埋學習o既事宜啦～！！

下月o既活動已經開始落實，我都好希望可以留低一個快樂o既回憶～！！
至於個仔問到我佢０９年同１０年o既分別，呢個都係我地要正視o既難題～！！

好多心裡面一直都想同佢講o既野，今日都叫做同佢分享過喇．．．
透過一次又一次o既對話，希望我地彼此間o既感情係可以有增而無減啦～！！

至於身邊人叫我要善待自己一事，呢排都係我首要考慮o既事宜喇～？！
每個人睇野o既觀點同角度都好唔同，但我始終好感謝身旁o既呢班摯友～！！

現實同理想永遠係兩回事，而且理智與感情亦係永遠不能並存．．．
我只係希望可以盡自己最大努力，去為個仔留低多ｄ唔同o既開心回憶唷～！！

時間始終係有限，原來．．．
要以最短o既時間去完成到最多o既事情，真係一個好大o既難關呀～！！＞＜”
快將踏入２０１１年，呢一刻o既我竟然突然變到冇晒方向同計劃呀～！？