＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日又有機會同個仔ＭＳＮ喇．．．
食食下野個仔就叫我，所以我地就傾左一排計囉～！！

我問返起佢當地o既生活，係咪覺得有一種好單調o既感覺～！！
佢就話因為冇乜娛樂可言，所以生活其實都幾悶下喎～！！

其實．．．我都有諗過佢o係o個邊o既生活到底會係點～？！
因為佢除左返學之外，其他大部份o既時間都留o係屋企嫁喇～！！
所以除左訓覺同上網之外，我諗佢都冇咩係可以做啦～！？

另一方面．．．
佢之前同我講過，話尋日原本約左班同學仔去打波嫁～！！
但係點知尋日除左落雨之外，就係好多人都竟然玩放飛機嚕～！！

經歷左呢一次之後，個仔已經對班人有左個印象．．．
同時佢又表示話，呢類活動應該就Ｎｅｖｅｒ　ａｇａｉｎ喎～！！
畢竟出面o既人唔係自己知心友，做事往往唔需要有太多顧慮～！？

另外．．．
佢又提到生活上因為冇咩娛樂可言，所以唯有寄情讀書囉～！！
所以．．．佢就計劃遲下都係多去圖書館借書睇下咋～！！

至於出完街返來之後，我地又再次傾左一陣囉．．．
今次所講既就講下佢可以有o既興趣，同埋返學以外o既鎖碎事～！！

人往往都喜歡過ｄ有色彩o既生活，所以面對呢ｄ悶o既生活都幾痛苦～！！
不過．．．佢如果可以捱得過呢種生活，相信將來必有一番作為～！！
希望佢可以堅持到自己，千其唔好咁易就破戒去壞就好喇～！！