＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
唔經唔覺就到左三月喇，今個月第一次同個仔傾計．．．
我地已經一連幾日都冇傾過計喇，搞到我越來越掛住個仔呀～！！

現階段都真係冇任何人可以代替到佢o係我心目中o既位置．．．
或者係因為佢由出現到宜家咁耐時間，都從未令我失望過所致啦～！！

人好怕面對失望，因為呢種感覺真係好難受嫁．．．
對一個人；一段關係或者感情有左期望，如果埋尾唔好就會好傷囉～！！＞＜”

屋企人又好；個仔都好．．．近期都好希望我快ｄ有拖拍呀～！！
我知道個仔好想我可以開心，所以佢都期望有新人俾到呢個元素我唷～！！
無奈呢期遇到過o既女仔，好多都未能夠去到我想要o既指標啦～！！

個仔又同我講，叫我要求上都要求變同降下標準．．．
佢平日對呢ｄ野都唔多識，但近期就好似開始知道愛情o既感覺係點咁～！！

除此之外，佢都好關心我工作上同家族上成員o既問題～！！
無奈我呢期真係累到爆，任何活動同事情都唔再去理同埋出席呀～！！

雖然個仔開學之後係忙左，不過佢仍然有睇到我打o既野呀～！！＾．＾
所以佢都會就住我打o既野去同我傾下計，同時就住有關問題關心下我～！！

我諗直至現時為止．．．
除左佢可以令到我識有反應之外，其他人都係完全做唔到嫁喇～！！
因為佢對我來講真係非一般o既重要，而且仲係未有人可以代替到o既重要～！！

其實，個仔亦都曾經叫過我唔好將所有重點都擺晒o係佢身上．．．
但奈何我呢個做老豆o既，真係冇辦法可以放得低個仔呀～！！

作為老豆．．．會將自己所有都俾個仔；凡事都以佢為先～！！
或者會有人覺得我好傻啦，但係只要我覺得咁係值得就已經夠啦～！！