冷暴力＠自體實驗｜PChome Online 個人新聞台

2006-07-18 04:08:33| 人氣108| 回應0 | 上一篇 | 下一篇

冷暴力

推薦 0 收藏 0 轉貼0 訂閱站台

我時常坦白得近乎要將個心挖出黎送比人，因為我相信只要係互相信任既兩棵心，越坦白只會越了解越親近對方，我係有親近人既癮。

雖然好多次個心都比人退回仲要介多幾刀，但係我仍然不斷咁嘗試將我個心送比人。

今次我繼續將我個心送去比我送得最盡既好朋友，連血管連筋連肉咁送出去。
唔知係我交得唔好、一時接唔穩還是唔想要，個心啪一聲撻左落地。
好想驚叫既同時，比人塞左條毛巾入口，我驚愕。
點解會係你？同時你都將毛巾塞入自己個口中. . .

其實我到而家為止，我都唔明白點解，係咪我唔乖我做得唔夠好，我連認清自己岩定錯既機會都無就塞左條毛巾入口. . .

我含住毛巾，執返個心返黎塞入自己胸口，傷口發炎含膿，血同埋眼淚繼續流。
為左唔令你唔高興，我無伸手?返條毛巾出黎。

良久，我嘗試再次挖個心出黎送比你。
大家互相問候，你近來點呀，自從上次你塞左條毛巾入我口之後，我已經好返好多喇. . .
再次地，果條有眼淚味道既毛巾又快狠準地塞入我口中. . . 塞到牙都幾乎要甩幾隻喇. . .

好想嘔. . . 好辛苦. . . 好心痛. . .

點解我挖個心出黎，換黎既，竟然係一條用黎塞住我個口既染滿鮮血同眼淚既毛巾. . .

係咪我做得唔夠好呀？係咪我唔乖呀？. . . . . .

我要檢舉

#我唔明

台長：吹時

人氣(108) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 在黑暗裡迷途 |
此分類下一篇:痛心疾首
此分類上一篇:可唔可以比返我呀？

回應(0)