珍惜既真義＠自體實驗｜PChome Online 個人新聞台

2006-07-17 05:41:22| 人氣115| 回應0 | 上一篇 | 下一篇

珍惜既真義

推薦 0 收藏 0 轉貼0 訂閱站台

珍惜兩個字，通常都出現係失去之後出現，但係呢兩個字又應該實現係失去之前。

當我擁有的時候，我都聽聞過係要珍惜，但係我好難理解，我點樣可以珍惜我手上面拿住既呢樣野？拿住佢既時候狂話珍惜就係珍惜架拿？我點樣先至係珍惜緊佢呢？

當我失去既時候，又好似成日都好後悔無珍惜到擁有既時光，想起好多好多既細節，點解我擁有既時候無咁咁咁做既呢？點解當時我唔小心d愛護佢多d呢？

我諗，珍惜既真義，在於當我擁有佢既時候，有無同佢結成最精彩既組合，有冇產生最美好既回憶。
但係到完結既時候，人就係咁衰，又會搵第二d野怨，貪戀點解時間咁短，點解唔可以將呢樣野擺係自己身邊耐d，好唔捨得結合得咁完美既組合被打散。

所以，到結束既時候，就算珍惜左都一樣會唔開心，但係至少，回憶裡面全部都係美好既內容丫。

珍惜兩個字，其實係配合一段時間既量詞黎使用，例如一段人生、一段愛情等，因為無論任何人、事、物，都會有完結既一刻，回憶先至係最重要。

angela，我覺得你仲係我身邊既時候我唔夠珍惜同你一齊既時間，但係我覺得我地都有好多美好既回憶，我諗，係因為你懂得珍惜同我一齊既時間，我而家就好貪心地怨恨點解我地相聚既時間咁短暫，多謝你令我少左悔恨，我對你既回憶，全部都係美好既。

我要檢舉

#i miss u angela

台長：吹時

人氣(115) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 自我解剖實驗報告 |
此分類下一篇:你最近好嗎?
此分類上一篇:學識願諒自己

回應(0)