自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

當我聽到旅行目的地係印尼果一刻，我個心的確抽左一下，但係呢下感覺比我忽略左。

尋日新聞，印尼七級地震，「唔係下嗎. . . 仲要有海嘯警報. . . 」心諗，即刻打比親愛的娘。
擾攘左一朝，旅行社無得賠. . . 照去？旅行社話震央好遠唔關事喎. . .
真係照去牙？其實吹時主張唔好去，但係投票結果三對三，兩家之主加對家一個女都係主張去果個，得返我同娘同另一家人既亞姨呢d弱勢社群主張唔去. . .

呢三對三，無論投票結果係點，都一定齊齊留澳，一係齊齊去印尼，無可能會有任何一個會獨自留底。
因為唔會有他有勇氣獨自留底，由自己既丈夫或爸爸或女去印尼，一定會跟埋一齊去。

一諗到呢度，我又覺得去都好，一黎我諗我無能力妨礙我爹既決定，二黎我真係怕佢地會留底我係澳門，三黎呢次旅程，一定會見到非一般旅行見到既野同埋一定會有好強烈既感受，四黎我其實唔係好怕死，我只係怕分開。
所以，結果係點我都無所謂，或者我而家咁樣離開，會留下更美好既印象。

萬一我有事既話，以下說話就係我最後既遺言：

爸爸媽咪，我呢一生人既任何成就、快樂都係你地送比我既禮物。
哥哥，唔知你有冇諗過我地如果都出事你自己一個會點呢？唔知你會唔會後之前無珍惜同我地相處既時光呢？

愛，抱歉係你既黑暗歲月裡面無全力支持你，對於呢點我的確感到內疚；抱歉我到呢一刻仲未可以好似之前咁鍚你，但係唔代表我唔愛你，我已經盡力去嘗試，我諗呢點就係我仲珍惜你既証明。如果你想搜集我近期既生活片段，你可以搵angela，我相信佢係可以比最多野你果個。
唔知珠珠會唔會後悔同我失散左咁耐呢？跟住就開始怪我成日唔主動搵佢，如果係咁既話，麻煩你幫我講出你心裡面既說話。對於珠，我唔會點擔心，反而係你，麻煩你話比珠知拜托佢好好照顧你。

我書台上面部呢power book，我想送比我好喜歡既angela， 我知你有潛質延續我既理想，用呢部電腦既時候，就好似當時我陪住你身邊一齊奮鬥一齊進步一樣，我搵唔到比你更適合既人做tracy power既新主人架喇。雖然比我蘋果p到甩左個p字，但係請你唔好嫌棄，只要整返就可以繼續用架喇，加油呀。

如果angela唔明我所講既廣東話，麻煩愛幫我翻譯比佢知呀，因為呢個世上只有你最了解到我既原文意思，所以由你翻譯，照理應該最跟到原著。但係，你d表達能力要練好d呀，如果唔係就算你知哂我意思都翻譯唔到比人知架喇。

Karen，多謝你將我升到咁高級，多謝你今個下晝既一野通左我，同埋當年失戀時既午夜奇雲女俠仗義相救。記住，你係我心目中無野難到你既karen。

Somi，我地個大計尚未完成，麻煩你幫我完成佢，我對呢個計劃既想法都寫哂係無良印品既簿仔最後同尾二版度架喇，你一定要繼續做落去呀。係度再講多次，你唔簡單架，我知你有d野既，多d表達自己。

大佬，真係好鬼憎你，靚到咁！多d同人傾偈，縱然我地時常會失望，但係至少我地曾經希望過。仲有，記唔記得我話過你d畫，真係得架，試下拎出去啦！

Gir，我覺得你似我既大姐姐多過我似大過你，我只係負責依賴你，所以我無野擔心你喇。雖然我地真係見得好少好少，但係你係守護我個心既高級人馬，正所謂位高權重就係你呢隻，你唔見卡通片d壞人波士都成日比塊布遮住塊面架咩？

四大金剛，抱歉要你地白走一趟澳門，我無比最好野比你地睇，遺作都做得唔好，自我管理能力唔好，我失敗得無話可說。要再次多次你地比過我曾經精彩既一刻。

仲有，唔該幫我比返畢業展造booth既錢亞武丫，本來話請佢食飯果時順便找埋條數，但係又病左，到而家好返又出發去旅行咯. . . 仲有幫我比返二百蚊波波。

哇，又寫到五點幾，名單無出現或者戲份少既好朋友唔代表我唔愛你地，只不過係你地令我放心姐，我真係好喜歡我既所有朋友架，每一個都好鍾意，我吹時唔係朋友就係敵人架喇你地知架啦。

拿，有咩事先拎出黎架咋，無事就當無見過啦，一切等我自己解決。
好眼訓呀，唔講喇，早抖先。希望五日後平安再見。

i love u all~kiss kiss kiss!!!