Passion Work＠自體實驗｜PChome Online 個人新聞台

2006-02-22 23:33:20| 人氣123| 回應0 | 上一篇 | 下一篇

Passion Work

推薦 0 收藏 0 轉貼0 訂閱站台

真係好耐無再拎部相機周圍影喇。
我記得我第一次發覺自己鍾意做呢樣野既時候就係考入學試,要交作品,果時仲未有portfo呢個概念,我畫畫又唔叻,就諗住用交相同埋交左一篇文,影相又快又方便丫嗎,“插”一聲就一張咯。
就係咁,開始左我既個人攝影史。

其實攝影呢兩個字我唔係幾敢用係我身上,硬係覺得自己高攀唔起。
我只係隨便咁見到想影既野就影之嗎. . . . . .
但係呢d隨便影,為我帶來都算係多次既高潮(每次一有人讚我就覺得輕飄飄),其實好多時我自己影左都唔知點解亞sir會鍾意,反而我鍾意果d人地又覺得無乜野,直到而家,除左我影既相,好多野都係唔知點解. . . . . .

隨住攝影課程既結束,我曾經心愛過既相機們比我打入冷官,一黎無人迫我做,二黎,做左都唔知比邊個睇,三黎,失火。

直到實習之旅,比人質問我部相機係邊,去旅行唔帶相機?!我先至醒一醒,係喎. . . . . .之前成日陪住我既相機呢?人地唔要你,你唔好好似人地咁忘記之前帶比過你好多野既相機呀~

前兩日執portfo比亞sir睇,比返以前d攝影功課佢揀,佢話“你亞sir比分都幾嚴架喎,咁樣都淨係得B+。”繼而哇聲此起彼落。
真係久違了既感覺,輕飄飄. . . . . . 輕飄飄. . . . . . 輕飄飄. . . . . .
於是我又輕飄飄咁再搵返我既相機,繼續做可以再令我輕飄飄既野. . . . . .

話時話,佢哇得最多,竟然係我第一本交既功課,果真係人既動機越單純,做出黎既作品越好。

(其實有諗過擺之前比佢哇既相出黎,但係沉澀係過去既掌聲,向來係故步自封既好開始。)

我要檢舉

台長：吹時

人氣(123) | 回應(0)| 推薦 (0)| 收藏 (0)| 轉寄
全站分類: 興趣嗜好(收藏、園藝、棋奕、汽機車) | 個人分類: 正確的道路 |
此分類下一篇:第101篇
此分類上一篇:在VOS中自由

回應(0)