在VOS中自由＠自體實驗｜PChome Online 個人新聞台

2006-01-08 15:53:19| 人氣98| 回應0 | 上一篇 | 下一篇

在VOS中自由

推薦 0 收藏 0 轉貼0 訂閱站台

由細到大都好想學琴,直至而家,每當腦入面響起音樂,手指都會不自覺咁跳舞(雖然指法實唔岩,但係都堅持要扮彈琴)。

Virtual Orchestra Studio呢個game對我黎講,都算係一個福音。
雖然我彈黎彈去都係果幾首歌仔,彈唔到難歌,同埋成日都狂Miss又或者跟唔到,但係可以彈到自己鍾意既歌,過程點都係愉快既。

當我開始玩一首新曲既時候,我追佢跌落黎d粒粒黎彈,由開頭跟唔切完全聽唔出melody,彈到成首曲既旋律就開始清晰,繼而可以唔跟足粒粒,自己隨意咁加快減慢加d減d。
頓時,我真係覺得自己好似坐係真鋼琴上面彈奏緊咁快樂,即使佢狂出Miss同Fault,但係我係旋律中得到自由。

但係,有時又當一首歌彈到咁上下有把握既時候,我就會不自覺咁開始留意我得到幾多分同埋幾多Hits。
我發覺,當我越在意自己有幾多Hits,就越容易出錯,旋律打亂哂之餘,之前就算去到50Hits就會毀於一旦。

好似好老套既道理,但係又真係時常被忘記或漠視。

就好似設計一樣,我地應該享受設計既過程,而唔係在意件野得到幾多個獎。
當你得到一個獎,之後就會期望有第二個獎,係期望呢第二個獎之下既創作時期,就越容易大壓力越容易迷失,就會好似我果50Hits咁,變成得返一個Fault。
加上,如果得獎係設計既動力既話,當你第二三四個獎落空既時候,就係你設計生命完結既時候。

好好享受係旋律中得到自由果一刻啦。

(圖為吹時為左可以有高分screen cap圖擺上新聞台,而有壓力所彈奏月半小夜曲,不過唔知點解cap出黎變左燒焦版)

我要檢舉

台長：吹時

人氣(98) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 正確的道路 |
此分類下一篇:Passion Work
此分類上一篇:係時候喇

回應(0)