自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

音樂對我黎講,係一樣必需品。
每日我都會戴住我既mp3機返學放學,總之有任何獨處既時間,我都會拎我既mp3機出黎陪我。

有時甚至會寧願係條街度留耐d,因為係條街度,先至係真正我同音樂獨處既時間,真正咁放哂全部心機落去聽我聽緊既歌。

某人曾經講過當佢係條街度聽緊音樂既時候,佢既魂魄好似比聽緊既音樂勾左去,佢講既時候,佢係度唔好意思咁笑,但係其實我想話,我好明白你既感受,因為我都係咁。

每日,音樂都咁樣陪住我出入平安。
但係前一排,我發覺我用開既earphone,有一邊甩左層膠,淨返個望落去鋒利無比既金屬殼係度,我好努力咁搵返果層膠想套返上去,但係搵唔到. . . . . .
我望住果粒咁鋒利既earphone,爭札左好耐,終於鼓起勇氣塞佢入耳仔. . . . .
有人問,做乜唔買過個呀?
唉,我份人就係咁,懶係長情,或者係用開有感情,又或者係懶得轉都好啦,又再或者懶得去買,總之係用開既野,都唔係幾想轉。

塞左個earphone入耳仔,開頭係幾辛苦,介介地耳咁,不過都頂得住,都繼續用。
但係過左一排,唔知做乜,佢竟然有一邊無聲出,間唔屎又會有少少聲咁喎,於是我就嘗試郁下佢,調較到去有聲出既位,呀~聽到喇~
但係,整到佢去到有聲出既位,原來係要用隻手keep住咁禁實佢,一離開岩果個位少少,就又會唔出聲. . . . . .
有時又會懶得拎隻手出黎禁實佢,但係其實聽單邊係都幾辛苦既事,尤其有d和音位係分左右耳咁出,同埋長期咁得單邊聽,好似行行下個人都會行到歪歪斜斜. . . . . . .
最慘係我唔理佢由佢單邊聽既時候,佢又會有時自己突然出兩句聲,跟住又再唔出聲,又或者出兩句唔出兩句,出一句又唔出兩句咁,真係幾痛苦下. . . . . .
其實真係幾接受唔到囉!

我每次都好努力咁較返岩個位,較左咁耐,老實講,我都心知佢唔會自己好返架喇,但係我仲好白痴咁繼續用佢. . . . . .
無論我較佢幾多次,比幾多次機會佢,佢都係無動於衷. . . . . .

其實只要我行多兩步,行遠少少,就可以買過一對新既earphone。
我諗,真係係時候換左佢喇. . . . . .

就好似一個唔適合自己既男朋友咁,拖咁耐,咪又係要換過個. . . . . .
無論你點就佢,佢無動於衷既話,又或者間唔屎比返少少甜頭你既話,呢段愛情真係可以靠呢少少既甜頭黎維持落去咩?
唔好同我講愛係無條件付出果d咁既說話,我一早話左,我唔係一個好女仔,我始終係一隻衰貓,我唔係會無條件咁不斷付出果隻。就算我好想成為一個咁既女仔,但係暫時黎講,我都做唔到。

每一對都有佢地既相處方式,可能係有凹有凸,可能係互相平等,只要係相處到就得啦,如果相處唔到,嘗試過,努力過都唔得既話,就唔好勉強喇. . . . . .
係時候架喇. . . . . .