自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

每日,衰貓都係呢個城市入面遊歷。
曾經好多次,衰貓都會有意無意之間,走返去傻佬屋企門前,希望可以見到傻佬一眼,又或者有其他希冀。但係唔知點解,可能衰貓同傻佬真係緣盡啦(咁講好似幾老套呀可?),真係一次都遇唔到見唔到,衰貓每次都失望而回。
每次都不經意咁經過傻佬屋企,成為左衰貓定期既習慣。過左一年既時間,當衰貓開始以為唔會再見到傻佬,竟然會係呢個時候,再次遇到佢. . . . . .

其實傻佬係有心撞返衰貓架,因為今日係衰貓既生日,而傻佬一直以黎都好想見返衰貓,但係,肥婆實在太犀利,如果比肥婆知道傻佬去搵衰貓,又唔知會有咩事發生喇. . . . . .

再見果一刻,無咩飛奔既擁抱,無咩熱淚盈眶。
衰貓有d驚. . . . . .

衰貓只係木口木面咁對住傻佬喵左一聲黎打招咪,因為佢驚自己會失控,比傻佬知道自己仲掛住佢,會造成無謂既痛楚。
衰貓清楚知道自己無可能再同傻佬過返以前幸福既生活,一黎係因為肥婆既存在；二黎,傻佬始終都係傷害自己最深既人,所以衰貓要控制自己,唔好再放任何希望同感情落去。

見到面之後,傻佬帶左衰貓去附近既公園坐底左,由個袋度拎左好多野出黎。
一條好靚既頸圈,一堆以前衰貓食開既貓糧,仲有一d衰貓以前用開既野等等. . . . . .
傻佬同衰貓傾偈,問佢呢排過成點,有冇比人蝦等等,好多好多既關心. . . . . .
傻佬幫衰貓戴左果條好靚既頸圈先,再餵衰貓食佢以前食開既靚貓糧,就好似返返去以前既日子一樣. . . . . .
至於果d以前衰貓用開既野. . . . . . .衰貓而家已經係一隻流浪貓喇,就算比幾多野佢,衰貓唔可以帶走,因為衰貓已經無屋企喇. . . . . .
衰貓坐左一陣之後,望住傻佬一陣,就跳左落地走左去,淨係聽到傻佬係後面好大聲咁叮囑衰貓。
衰貓停左一下,望返轉頭,喵左一聲,就一直繼續走,行左好遠好遠路,直到再聽唔到傻佬不斷既叮囑同埋消失係傻佬既視線範圍為止。

終於停底左腳步,衰貓忍左好耐既眼淚終於都流左出黎,不斷咁流不斷咁流. . . . . .(呢個情節好似好套咁,但係原來係真係會咁樣)
其實衰貓真係寧願自己從此之後會憎傻佬,等自己可以一d情感都唔帶住,狠心咁走。但係衰貓一d都無憎過傻佬,就算佢係傷得自己最深既人。
因為衰貓知道傻佬係真心咁鍚衰貓(甚至而家都係),用左好多好多既愛,真心咁付出左好多. . . . . . .
而衰貓自己,除左成隻貓完完全全咁依靠佢之外,都好似真係無乜為傻佬做過任何野. . . . . .
衰貓對傻佬而家有既,只係感激。至少,因為有傻佬,先有而家既衰貓,如果唔係傻佬既話,可能衰貓一早已經係一隻流浪貓,係垃圾堆抄野食,又或者一早已經餓死左. . . . . . 仲有衰貓同傻佬之間既回憶. . . . . .

傻佬送比衰貓呢條咁靚既頸圈,一定係傻佬儲左好耐錢先買到。其實衰貓有諗過唔要呢條頸圈,但係衰貓比左好多藉口自己,衰貓話比貓朋友知,因為呢條頸圈係名牌,所以自己想要；因為憎傻佬,所以要用傻佬既錢,等傻佬無錢洗,所以要左條頸圈等等等等,為隱藏真正既理由,衰貓唔介意戴住好多個虛榮同醜惡既面具. . . . . .

其實衰貓. . . . . . . . . . . . . . . . . . . . . . . . . . . . . . . . . . .
如果叫衰貓而家返返傻佬身邊,係絕對無可能既事,就算肥婆離開左傻佬. . . . . .

係衰貓自己一隻貓抹眼淚既時候,親手煮魚比衰貓食果個人又出現. . . . . .
佢伸手摸衰貓個頭,衰貓望左佢一陣,喵左一聲,就軟趴趴咁枕左個頭落果個人隻手上,衰貓枕左個頭落去既時候,覺得好安全,好幸福,好溫暖. . . . . . . . . . . . . . . . . . . . . . . .

衰貓終於可以安靜咁?著左喇. . . . . .