爆!!!＠自體實驗｜PChome Online 個人新聞台

2006-01-25 01:17:58| 人氣119| 回應0 | 上一篇 | 下一篇

爆!!!

推薦 0 收藏 0 轉貼0 訂閱站台

本來都覺得個頭無乜野就唔再搞佢,但係比個frd問一問我會唔會去搞搞佢,即係連佢都覺得我個頭亂,我再睇返果晚影既相,又真係幾亂,所以襯今日吉日,去搞返靚個頭佢. . . . . .
靚唔靚. . . . .而家個頭,都係例牌地. . . . . . 比人炸爆左. . . . . .
不過又例牌地,過兩個星期個頭就會靚返架喇. . . . . . . 喎. . . . . .

我去呢間沙廊,都有好幾年歷史喇,由同學仔介紹既,佢介紹比我既賣點係,個師父剪頭髮果時個咀會跟住把較剪合下合下咁郁. . . . . .
同埋個師父係我見過咁多個成年男子中,最細粒既一個,幫我剪頂頂d頭髮果時佢要拮高腳既同時,佢個肚腩仔會頂到張凳. . . . . .
我第一次見果時真係好想爆笑出黎!但係我又無咁做,忍得好辛苦咁,終於都剪完。

其實亞師父唔靚仔,剪得唔算特別好,又會夾硬將d潮頭放上我個頭上面,但係我都樂意咁繼續幫襯佢。
果間沙廊係澳門城中都算係薄有名氣,仲有幾間分店添,能夠做到咁既沙廊既師父,我諗真係唔會係一件好容易既事。
再加上佢既外型. . . . . . 通常沙廊入面d師父都係溫柔靚仔型家嗎,係呢堆靚仔之中,佢既出現,感覺真係好史力加. . . . . .

幫襯佢除左係因為佢得意之外,佢既服務態度真係非常之好。
間唔中會展露佢既傻下傻下既笑容,同埋佢拮高腳剪果時,我真係覺得佢係一個好努力既人,其實幾感動到我。
仲有. . . . . . 間唔中會計錯數收少我錢添!!!

努力努力再努力,先天不足,後天爆追,唔應該怨。
事實又再証明,當一個人真正有決心去做一件事,所有既阻力,只不過係引發佢爆出力量既藥引。

我要檢舉

台長：吹時

人氣(119) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 世界原來是美的 |
此分類下一篇:吹時騷擾戇直美少男
此分類上一篇:再三相送

回應(0)