冒住比同學仔圍剿既危險,睇左一集在世界中心呼喚愛＠自體實驗

2006-01-23 23:16:58| 人氣155| 回應0 | 上一篇 | 下一篇

冒住比同學仔圍剿既危險,睇左一集在世界中心呼喚愛

推薦 0 收藏 0 轉貼0 訂閱站台

「亞紀既最佳紀錄由我記住啦,而你,就安心忘記佢啦。」(原文大意)

當你同一個人建立一段感情,係需要好多時間,而忘記一個人,往往需要更多更多既時間。
未能忘記一個人既原因,除左因為時間未夠之外,最主要既,我諗都應該係本身唔想忘記。

忘記唔到一個人,寂寞既痛苦感覺會無止境咁乾煎住你,呢世都要困係寂寞傷心裡面過日子,要忘記,又好似有太多記憶唔捨得,同埋又好似太無情. . . . . .

都好易理解既,試諗下,如果你死左,d人好快咁忘記你,重過新生活你係咪都會因為咁而唔開心,心裡面諗點解可以當自己好似無存在過係呢個世界上咁?你係人地既心目中係咪咁無地位?咁無價值?

其實有呢種諗法係正常,雖然係幾自私,但係如果你真係愛呢個人,咁你就要學會放開。
就算呢世都要佢活係痛苦之中,都無補於是,係再見唔到就見唔到,你忍心見到你咁愛你既人同你一樣受住呢種痛苦咩?

話忘記,唔係話真係洗哂腦咁忘記既,人既記憶,除左老人痴呆之外,又點可能完完全全咁失去丫. . . . . .
任何人都係無辦法可以替代任何人架。
如果有一日我死左,間唔中,會有一堆人會坐埋一齊,講下我既白痴事蹟,一班人一齊熱鬧下,都夠架喇. . . . . .(落筆果下顯然充滿猶豫,因為我係一個思想幼稚既人,另計!)

唔係要完全忘記,但係可唔可以係重過正常生活既前提下懷念呢?

(約左同學仔十點去2046唱K,但係睇埋集在世界中心呼喚愛都唔止,仲要寫埋呢篇野添,唔講喇,閃!)

我要檢舉

台長：吹時

人氣(155) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 八婆仔偉論 |
此分類下一篇:Happy Valentine

回應(0)