鬆一鬆＠自體實驗｜PChome Online 個人新聞台

2006-01-20 03:57:55| 人氣174| 回應0 | 上一篇 | 下一篇

鬆一鬆

推薦 0 收藏 0 轉貼0 訂閱站台

睇睇下Y文本書,佢提到林振強寫既最後一篇專欄,唔知佢所講既會唔會係我睇既果篇呢?

其實我好憎果d方向週刊同埋數字週刊,但係我屋企人訂左,每個星期必有一本,而我又會成日留係屋企,睇呢本我咁憎既野,就好似世上淨低一男一女係地球咁,迫於無奈地要苟合. . . . . .
苟合都苟得有個譜,而呢個譜入面最令我欣喜既,就係週刊入面既專欄。
我最鍾意睇蔡瀾,跟住就係李碧華,再跟住就到林振強,其他頁數對我黎講形同廢紙。

有個大火人,佢話比我知好鍾意睇人地d blog,因為就好似可以同寫blog果個人溝通緊,我諗應該同我鍾意睇專欄既情況一樣。
我每個星期都會睇佢地寫既專欄,就好似每個星期都同佢地傾偈咁。
有時會發覺佢地有重覆既題材,不過唔緊要啦,可能蔡生年紀大,重覆左都唔記得又或者佢真係好想講果件事比人知好多次先至可以抒解到佢想同人分享既慾望,有蘇美璐既畫陪住,睇多次又有咩所謂。

林振強係係蔡生同李碧華後幾頁,開頭都無乜留意,因為當時年少無知唔知佢係乜水,但係後來有睇睇就開始左同佢傾偈,直到某一日. . . . . .
林生係專欄度寫左一篇佢同佢家姐細個係佢爸爸開既汽水廠入面既童年快樂生活,唔知點解,我睇完果篇之後我就有一股好想喊既衝動,真係唔知點解。

到左下一期,就再見唔到佢既專欄喇. . . . . .好後悔無留低呢一日既專欄. . . . . .

當我知道林振強去世既消息,我竟然為佢喊左好似都有一個星期,梅艷芳、羅文、Leslie等等巨星既去世,我都無動於衷,點解當我知道林振強癌病去世我會喊成咁既呢?我當時仲未知道點解。我自己都有d驚訝!
我身邊既人一d都唔知我發生咩事,只係見我果幾日無哩神氣咁,如果我話比人知因為林振強死左而咁唔開心,一定比人當我痴線。

其實唔洗驚訝,我諗,呢d就係我同作者兩個人之間,由溝通中所建立既感情。

我要檢舉

台長：吹時

人氣(174) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 病入膏肓 |
此分類下一篇:垃圾垃圾垃圾垃圾!!!!!!!!
此分類上一篇:回歸

回應(0)