脂肪堂特約~靚足一百噸＠自體實驗｜PChome Online 個人新聞台

2004-09-05 16:35:38| 人氣84| 回應0 | 上一篇 | 下一篇

脂肪堂特約~靚足一百噸

推薦 0 收藏 0 轉貼0 訂閱站台

主持:今集我地請黎身材至fit既嘉賓係肥姐,(啪啪啪啪)歡迎你肥姐。
我地請黎肥姐黎做我地今集主角亞吹時增肥既見證既。
肥姐:拿,我就算問對增肥呢無乜研究,但係唔知點解就係會肥既,但係我見到亞吹時佢增肥既衡心,真係唔得唔佩服佢。
主持:聽講佢以前有個花名叫做芽菜架喎,可想而知佢瘦得幾恐怖呢~
好喇,我地就請今集既主角吹時出場。
(catwalk一段,擺蒲屎)
主持:哇~身型真係好靚呀,肥姐可~
肥姐:係呀係呀,拍得住我呀。
主持:拿吹時,你可唔可以同我地分享下你增肥既心得呢?
吹時:(一輪傻笑)嘻嘻嘻嘻……主要靠自己既決心啦,er……(唔記得台辭,周圍望一輪終於見到工作人員既貓紙)丫!仲要多謝幫我增到咁肥既脂肪堂。
主持:不如我地一齊睇下吹時之前係點既樣~
(哇聲此起彼落)
主持:哇,真係好瘦喎,周身無肉,著住小背心仲見到排肋骨添,好似埃賽俄d人咁喎~
吹時:哈哈哈哈哈~er………(諗左一輪)丫!要多謝脂肪堂幫我增到而家咁肥啦又。
主持:你可唔可以講下你而家既三圍係幾多呀?
吹時:好呀!呢個我記得!上圍係45F,腰圍係40,坐圍係五十。
主持:我地請專家黎講下。
專家:吹時本身果隻叫做上下半身藤條型,我地係幫佢增肥之前會過一輪測試,試下佢肥唔肥到先至plan點幫佢增肥既。
主持:好,唔該哂專家咁專業既意見。亞吹時牙,你而家咁肥,有咩感覺同埋有咩想做呀?
吹時:哈哈哈哈,我今次記得喇!我要多謝脂肪堂既專家。
主持:而家問你有咩想做呀………
(肥姐開始不耐煩的表情)
吹時:丫~我成個人充滿自信,仲買左件三點式泳衣諗住聽日去黑沙曬太陽同埋打沙灘波添。
主持:咁你可以展示你既肥肉同埋脂肪紋囉~
吹時:係呀係呀,我好想感覺下d肉係個身度”done下done下”既感覺。
肥姐:哇……真係好值得驕傲呀~
主持:好喇,今集節目時間夠喇,我地要多謝我地既嘉賓肥姐同埋今集既主角吹時。再見。

我要檢舉

台長：吹時

人氣(84) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫) | 個人分類: 病入膏肓 |
此分類下一篇:沉迷Square 2 Sheep

回應(0)