陰乾你＠自體實驗｜PChome Online 個人新聞台

2004-08-16 12:07:26| 人氣71| 回應0 | 上一篇 | 下一篇

陰乾你

推薦 0 收藏 0 轉貼0 訂閱站台

咁大個女，第一次出黎做野，都諗住實會比人話鬧下，話下咁。
好啦，有哂心理準備架喇，去啦。
點知，個亞頭原來係一個好nice既人，係度溫柔敦厚，我就好開心咁，諗住係呢度過個充實既暑假。
同公司既人接觸，講起個亞頭，我話佢係度好人，佢地都有一個奇怪既表情，個表情大概係一個大楷M字型既咀咁。我好唔明，點解佢地會有咁既表情既呢？
我係一個二年級既設計學生，黎到呢間公司度做暑期工，諗住都係做下雜工咁，點知亞頭比野我design和，我簡直欣喜若狂啦！但係佢淨係比得大個題目我，同埋我連佢要我做既野都唔係好知係咩黎，知係咩黎，但係無乜真正了解同接觸過。
我係學校做既功課，大多數都係要有好多好多既資料，先至做出黎。但係我發覺係呢度做既野，唔係好洗呢d「足夠既資料」，會係用d素材堆堆砌砌，又或者係唔太洗咩concept咁。我做左兩個月仲未適應到呢樣野，同埋交貨既速度實在太快喇，可能佢預少左我做research果part掛？
亞頭比左兩份野我做，兩份都自己知道做得唔係咁好。其實巳經好唔開心好灰心，跟住某日亞頭走埋黎，笑住咁問我
「你仲有兩年讀呀可？」
「係呀。」
「咁你而家有無諗住唔讀呀？」
我即刻成個人呆左，為左比個位自雞落台，我唯有係度扮可憐咁話「好過份呀」咁。
跟住佢走開左既時候，我感覺到我d眼淚湧緊出黎，但係我又自知我同喊呢樣野唔係太襯，所以「頂住呀！求下你快d放工呀，如果唔係佢就爆出黎架喇！

都唔知笑唔笑好，終於等到放工喇，返到屋企，信箱有封信，原來係成績表，仲要成績都唔錯果隻添，有人叫我留低，有人叫我放棄，咁我就梗係揀留低啦，如果唔係，我驚呢個世界上除左屋企，再無容納我既位置，咁咪變左社會既寄生蟲？
其實呢個世界真係乜人都有，我真係應該一早習慣下，係我之前見識得太少姐～

我要檢舉

台長：吹時

人氣(71) | 回應(0)| 推薦 (0)| 收藏 (0)| 轉寄
全站分類: 工作甘苦(工作心得、創業、求職)

回應(0)