天才表演＠自體實驗｜PChome Online 個人新聞台

2004-08-07 19:15:52| 人氣60| 回應0 | 上一篇 | 下一篇

天才表演

推薦 0 收藏 0 轉貼0 訂閱站台

今日我爹娘出show,我娘叫我去睇佢地,其實我對粵曲真係興趣不大,但係我都有去。幫佢執頭執尾,拎化妝箱,幫佢著衫,影相等等等等。
結果,都算幾成功,個個都讚佢地唱得好,我娘不嬲都唱得唔錯,但係我亞爹就……不過今次真係嚇左我一跳,因為我爹不嬲唱歌都……今次竟然唱得都幾ok,我亞爹雖然都未到哂d位,但係已經比我記憶中既亞爹唱得好好多好多,仲有一個solo位,個個都拍哂手掌,連我呆左……
我亞爹唱歌果時成個人直不甩咁棟左係度,好得意,好似好緊張咁(我諗佢應該真係幾緊張既,比著我都會),唱完之後我見到我亞爹真係好開心,個個都係度拍哂手佢個solo位,真係睇得出佢係好開心架~我都好明白,因為我都成日係屋企”哎”,唱到d”哎”位真係幾有滿足感,仲要係咁多人面前表演,比著我都實會好開心啦~
講返轉頭,我今次睇我爹娘,完全都係為左佢地開心,係個後台度,得我一個女跟個亞媽,係度幫佢整衫跟手尾咁,如果我係我亞娘既話,我會覺得幾威架,成場得佢一個有個女黎睇喎~
成件事既感覺就好似d小朋友既爹娘去睇d仔女既天才表演咁。
我記得我細個,係無天才表演呢d咁既野,因為我無天才,只有畢業禮係可以上下台咁,但係永遠都只係得我娘一個到,仲要係未知去唔去到果隻,小學畢業好似我娘勉強有去,初中都係,到高中先至可以爹娘都到齊咋~

我要檢舉

台長：吹時

人氣(60) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)