自體實驗 吹時嘗試以己身進行實驗，將一套人人由細到大從益智卡通片灌輸之，但少數人會真正實行之價值觀，套用於自己身上。(假設套用方法正確) 再走入人間生態缸，在任由其他獵食者宰殺之前，作出最大反抗。 以証明自己所相信的價值觀，是我正確的選擇。 在此進行詳細紀錄，期待漫長實驗所結之果。

216愛的鼓勵 0訂閱站台

蔡琴
唔知點解,我呢排好鍾意聽低音既野,以前明明越聽越高音,日文歌又比廣東歌音好多,Misia又係日文歌之中既高音人,再去到Mariah Carey,更加係世上可以發出最高音既動物之一,但係後來越聽越煩,某日聽到我亞娘部MP3機入面既蔡琴,簡直覺得係一流清泉~

偶然

你我相逢在黑夜的海上 你有你的 我有我的方向
你記得也好 最好你忘掉 在那交會時互放的光亮
我是天空的一片雲 偶爾投影在你的波心
你不必訝異 無需歡欣 在轉瞬間消滅了蹤影

好熟哩~無錯,係徐志摩既詩


黃耀明
我記得我開始聽係有一日上上下堂無啦啦諗起佢唱果首四季歌,跟住就好想好想聽,就搵左一堆佢既歌黎聽。我都唔明白點解有人可以唱歌唱到咁好聽,我其實不嬲好少聽男人唱歌,因為硬係覺得有得聽無得跟住唱好似好辛苦咁……
但係一聽明哥真係唔得了,無錯,佢又係唱低音唱好好好聽既人,真係好似按摩耳朵咁~

禁色

窗邊雨水　拼命地侵擾安睡 又在撇濕亂發堆　
無需惶恐 你在受驚中淌淚　
別怕愛本是無罪……

無得講,曲詞唱都咁正,呢排聽緊畫出彩虹,有一次去影印,係影印鋪入面第一次聽到黃耀明版既畫出彩虹,我即時不斷咁同我隔離個同學仔講,點解可以有人唱歌咁好聽架~
仲有好多其他都勁正~


盧巧音
無錯,又係一個低音人,但係我始終都係鍾意佢岩岩出黎果時既歌,自戀影院,垃圾,都有一個抽離於塵世既感覺, 有d悽美,又有d頹廢,但係,咪就係鍾意呢種感覺~後來既歌之中落地開花既melody順耳d啦~
其實佢唱低音都唔係話好拿手,不過比起佢高音部份,叫做悅耳架喇~

自戀影院
想盡興投入鏡中暢泳 讓紅唇及眼晴按著我動靜做反應……

由以前聽到而家都仲聽緊架~

容祖兒
我知佢會比人咁樣讚左好多次,但係我都忍唔住要讚多次,係而家香港既pop singer之中,係佢唱歌最好聽囉。
不過佢搞到又妖艷又性感咁,唉,都幾可惜,好地地一個歌手……
佢既歌之中較為有感覺既,借過啦,同埋舊日回憶的山丘啦~舊日回憶的山丘,雖然我鍾意原唱版本,放好多,但係容祖兒版都ok呀,無辦法,曲本身好丫嗎~至於借過呢~以前講過ru~唔講~
其他就好似首首都差唔多咁,都係當係聽黎唱k既~

何韻詩
又係低音到爆人,但係其實我鍾意佢既歌唔多,係個娃鬼回魂囉,呢首係聽melody既歌

中文歌,講住咁多先~
呢篇野係特別為我既爹娘而登出既,因為某一次我同爹娘with their frd去k,佢地係度唔知我鍾意聽咩,就係度是但點左首野,點完之後又係咁踩,我深感不忿以及有強烈食死貓既感覺,希望佢地會見到呢篇文章。