淨餘物資＠自體實驗｜PChome Online 個人新聞台

2004-07-14 10:58:59| 人氣59| 回應0 | 上一篇 | 下一篇

淨餘物資

推薦 0 收藏 0 轉貼0 訂閱站台

公司新請左個designer,自從佢黎左之後,我就無電腦用,我呢個咁既暑期工,因此而開始到處飄泊既生涯。
有電腦用既時候,就算你真係無job係手,只要你有部腦遮住你,又或者隻手係度郁郁下,人地都會以為你係度做緊野,除非人地真係走埋黎昅你個mon架姐~
但係而家無腦用,我自己坐係度,無哂寄託,個位又比人坐埋,真係好唔知做乜。間唔中都會比d野我剪剪貼貼又或者亞頭比部notebook我執下相咁既,但係當我做野既時候,老闆永遠都唔知去左邊,而當我無野做既時候,老闆永遠都會返公司,仲要見到我係度發毛加發呆......
同事話無野做咪好囉,但係我又覺得無野做都係一種壓力,尤其比老闆見到你無野做果陣,直情有心虛既感覺,好似比人悉穿你呃佢d人工咁。於是,我周圍"R"野做,但係個個都話無,於是真係唯有坐係度睇書。
好彩,有個有愛心既姐姐肯比我黐住佢,坐係佢隔離,又會比我扮收音機係度不斷咁講野比佢聽,但係佢做緊野,間唔中應我兩句我已經覺得好幸福架喇~再唔係另一個亞頭見到我發呆,又無野可以比我做,叫我幫佢鏈下骨,我都好開心架喇,起碼我係呢度仲有生存既價值,唔洗做淨餘物資,幫佢鏈完佢仲會係度好開心咁多謝我,而我又唔洗係度發毛&發呆,何樂而不為呢~還掂個亞sir介紹我黎果時都話預左我黎斟茶遞水架啦~識得鏈骨話哂都係一門專長丫,唔似斟茶遞水咁個個都識做呀~
再加上(咪話我自己讚自己,我鏈骨都真係有一手)可以發揮自己既專長,都真係幾好丫可~我見到佢比我鏈到好舒服個樣,都幾有滿足感。

會唔會我真正既才能係鏈骨而唔係設計呢?
咁我又洗唔洗轉行呢?

我要檢舉

台長：吹時

人氣(59) | 回應(0)| 推薦 (0)| 收藏 (0)| 轉寄
全站分類: 工作甘苦(工作心得、創業、求職)

回應(0)