我既攝影亞sir＠自體實驗｜PChome Online 個人新聞台

2004-07-06 20:52:29| 人氣119| 回應1 | 上一篇 | 下一篇

我既攝影亞sir

推薦 0 收藏 0 轉貼0 訂閱站台

我呢世人咁大個女,淨係遇到過兩個老師係令我覺得係佢身上真係學到野同埋真係值得我去尊敬既。
一個係我中學時候高二果年教我國文既亞sir,另外一個就係讀大學果陣教我攝影既亞sir。
講返教我攝影果個亞sir先,我覺得佢真真正正係一個藝術家,除左佢既外型同衣著之外,我覺得佢最藝術家既地方就係佢睇野既方法。
佢係教攝影,捕捉決定性既瞬間,構圖,角度,光同埋影既變化等等,呢d掌握得好就梗架啦~但係我覺得佢最叻既地方係用個心黎睇野。
記得有一次,我地成班出去戶外影相,見到一個衣著好奇怪既伯伯,而我地果一堂教既又係人物攝影,就梗係唔放過呢個伯伯,係咁影佢啦。
而我地個亞sir,竟然會走埋去同佢傾偈,佢話比我知,佢著成咁一定會有佢既原因既；我見到個個伯伯有人同佢傾偈真係幾開心,有人關心佢,其實佢著到咁奇怪,都只不過係希望有人會留意佢關心佢姐,就好似d細路仔一樣。

上呢個亞sir堂既時候佢又唔會好嚴肅,好似同我做朋友咁,令到我好放心咁不斷開佢問題,上佢堂真係好開心,因為一黎我對攝影又好有興趣,二黎個亞sir又咁好,真係好開心。
個亞sir平時好似傻下傻下咁,好得意,但係其實佢個心係澄澈。睇每一樣野都會去發掘佢既好處同埋得意既地方,我諗咁樣做人一定會好幸福。
我都希望我除左學左攝影既野之外都可以學埋亞sir既睇野方法。

但係而家呢個亞sir病左,我真係超唔開心,不過我相信以亞sir佢為人佢唔會想我地唔開心,同埋佢都會好勇敢咁面對。
我真係希望佢會好返哂,好似以前咁教我野。

我要檢舉

台長：吹時

人氣(119) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 發自內臟的高呼 |
此分類下一篇:聽聞我爹

回應(1)