售貨員＠自體實驗｜PChome Online 個人新聞台

2004-07-14 11:32:11| 人氣49| 回應0 | 上一篇 | 下一篇

售貨員

推薦 0 收藏 0 轉貼0 訂閱站台

我諗係呢個世界上,講得最多大話既人應該都算係售貨員喇,尤其係女售貨員,無論賣衫還是賣化妝品,賣袋還是賣鞋,都係大話精黎既(大多數)。

賣化妝品
佢會太斷咁話你d皮膚幾咁差,又話買呢個加埋呢個同埋果個再加埋果個係幾咁抵,其實咪又係搵你笨~當你買哂咁多野之後仲會乙水埋你入會添~等你以後幫襯多d。

賣衫
係度話你咁瘦,著乜衫都好睇啦,呢件呢件呢件同埋果件果件同埋果件都岩哂你,不如你買哂佢啦~
當我好開心諗(真既~?)好啦,咁就試下佢啦~但係試完之後,呢件呢件同埋果件果件都唔係咁好喎,呢件著左又顯得更肥,果件著左又已經開始想爆線添~
佢又會話,點會呢~你著得都不知幾咁好睇~好瘦呀~
唔好當我盲先得假~

賣電器
尤其d後生仔,好多都好唔掂,問乜都唔識答,又叫你返去自己睇說明書,說明書有講喎!痴線~

賣鞋
我係香港見過勁既賣鞋sale屎,你揀左個鞋款,跟住佢一望你對腳,個人已經走左去,等我仲以為佢做乜一見到我同佢講野就走左去,原來係一睇我對腳已經知道我著咩size,走左去羅鞋比我,我果下個心簡直係有幾份感動~
但係係呢度既sale屎,你揀左鞋款,佢仲會"盤"你著幾多號鞋,"盤"完又話無呢個size,好啦,咁會唔會返貨呀?幾時有呀?又乜都唔知喎......

所以,當我遇到個誠實既好售貨員既時候,我會好開心,同埋我發覺而家d售貨員真係好唔專業囉,問佢野,又唔識答,又或者亂咁答。你估售貨員係企係度等人自己埋黎比錢你架咩~
唉~呢個世界d錢咁易賺架咩,好心你比心機小小,多d人啦你買野你都賺多d啦,唔好怪點解份份工都做唔長~

我要檢舉

台長：吹時

人氣(49) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)