車天車地 一個有好多回憶既地方!!!

106愛的鼓勵 0訂閱站台

17-2-10(三)今朝屋企雪櫃個冰架竟然結冰(估計係雪櫃曾經停電過)，好耐冇見呢個情景了，屋企舊的雪櫃以前好似要溶雪的，同埋有時冰格D冰係會變到成塊冰咁樣的。

 

 

 

 

 

           Dranell約我1:30出旺角KFC食Lunch，行到半路已見到佢了，因Dranell說他估計我行呢到，所以撞我，查實我有另一條路選擇架!想食KFC很久了，但不是人人都想吃來當正餐，而今師父話食時，我即刻話OK啦!

 

           3:00一齊去屋棋，同埋Frank、Olveia一齊玩gard game!

 

 

          玩到5:10走了，坐地鐵過銅鑼灣，再行去立德里等專車，車入鴨利洲的駕駛學院，車程很快，都係十分鐘左右，本來Ken話過車我入去上堂作支持，可惜佢臨時話學校有野做來不到，雖然明知你有野做，但都係有點失望。

 

         期待已久的課堂終於來到了，一堂6人，有2個重係外國人tim，行去推車時，真係估唔到駕係咁鬼重，真係唔係好夠力去推，莫非係同我呢幾日冇乜點食野有關。

 

          天氣凍，架車o既離合器已經難開了，加上我又未熟悉hold住個離合器，成日鬆手太快而死火，6個人係個圈到輪流開車，都要等好耐，我成日都係一開車就死火，有一次更加失平衡跌車tim，架車一壓下來，右腿即瘀，d老師都好好，即刻就上來幫我推番起架車。亦好緊張我有冇事，老師d態度真係唔錯wor!但有一個阿sir就好似麻麻地，雖然有講鼓勵性的說話，但好似久缺真誠，而另一個肥肥地o既都幾友善。

 

          其實渣電單車都幾危險，開始唔想要阿聲架車了!但當初如果唔係因為佢話俾架車我，我又唔駛咁積極去學車。10:10落堂，同接駁巴士出灣仔，再轉巴士返屋企都只不過11:00，當初選擇係香港仔學車是對的!

 

18-2-10(四)同Franky係I square食午飯，跟住睇阿凡逹，坐成三個鐘，真係pat pat痛，加上坐側邊位望向螢幕，條頸唔係太舒服，同埋個場好多大陸人，皆因I square的阿凡逹已成為香港定點旅遊，hahaha!

 

          套戲開始做時，有真人講野，我還以為是預告，因我睇d預告片，阿凡達入面公仔好似係動畫，但真人對白講咁耐，好似有d唔對路，原來真人開頭係套戲o既一部份，好彩我一開始都有留心睇啫。

 

19-2-10(五)9:00同Michael去潮樓食宵夜，又係叫得太多，食剩了。

 

20-2-10(六)無視播緊套「豬兜王子復仇記」幾好睇，上星期已睇左第一集，所以今日都係睇埋先出街，行去奧海城時，係火車軌的十字路口撞到寶民、Ricco同teenzoe成員，寶民愕然我帶了紫色con，車……我初三果日團拜都有帶架，可能係室內唔太覺怪!

 

         去到奧海城先同HIQ係意粉食lunch，查實當時已經3點幾了，跟住再睇電影「神火之賊」，套戲個背景同希臘神話有關，Dranell重話呢d戲我未必鐘意睇，其實我不知幾鐘意睇呀，因我對希臘神話有興趣，屋企重有一本呢講希臘神話的書呢!哈…不過未睇曬!

 

          行多陣奧海城就出番油麻地了，HIQ打算食東京，可惜呢間野已經執了，所以改去和亭。

 

22-2-10(一)本身今日係新年假的最後一日，但要聽一個評估講座，聽足一日累死，但換來扣少一日新年假，咁都無所謂啦!反正夜晚都要返學。

 

          Lunch去鳳成飲茶，安怡同事叫左勁多點心，但食唔曬，咁都幾核突wor!可能少經驗點餸吧!

 

23-2-10(二)音樂堂玩遊戲時，玩找朋友，搵到個朋友講你好嗎，但Lulu同俊豪講恭喜發財，俊豪同佢講返身體健康，勁搞笑。

 

24-2-10(三)Apple五不舒服不來黃埔食飯了，於是同阿何一齊坐6:40車回家，並同媽媽係大快活食晚飯。勁累，11:40睡了。

 

25-2-10(四)放6:00，今堂嬰幼要present。