車天車地 一個有好多回憶既地方!!!

106愛的鼓勵 0訂閱站台

18-9-09(五)放學後，坐的士出去朗豪坊，因阿霖唔想等我咁耐，我叫埋貝然一齊坐，因佢係旺角站再去長沙灣會近d，同阿霖係struckbux飲野，佢之所以會等我咁夜，係因為上次佢同Alex知我好耐都冇返教會，覺得我有d事，所以關心我。原來當晚佢打電話來找我傾計，都係Alex叫佢咁做，真係估唔到Alex咁細心，其後Alex車番我返愛民。

 

19-9-09(六)dayoff， 6點3出門口，諗住坐182過金鐘，但等唔到車，同埋見路面好塞車，於是行去佐敦坐地鐵過金鐘，過得切係7點前到太古廣場，比Heath更早到，之後我地2個先上café too，再等埋Apple、Phoebe來，呢餐飯係為Apple慶祝生日。

 

    其實café too麻麻地，冇咩話特別好食，幸好埋單時，我有滙豐張白金信用卡可以75折埋單，呢個75折都令張單平左$468，咁就抵好多了。我計番個原價原來係大約$458一位，講真，唔係好值。之後坐103回家了。

 

20-9-09(日)4:00出門口，4:30到beauty forever，因想浸按摩池結果要等到5:00先ok，然後再做facial，跟住同阿蒙去行海港城，係玩具反斗城睇中左份玩具想買俾陽陽，因佢父母幫了我好多，但我沒有玩具反斗城將會員卡，所以冇買到。

 

    跟住去太子酒店，參加阿蕭的婚禮，可惜我地趕唔切係佢換衫前同佢影相，否則的話，可以即時有相攞，即時有相攞我都係一次見，咁都好呀!唔駛之後曬番俾人。

 

    一直唔見阿蕭個女雪晴，係臨走前我同阿蒙去廁所就見到了。佢大過左好多呢!