車天車地 一個有好多回憶既地方!!!

106愛的鼓勵 0訂閱站台

29-7-09(四)最後一天見阿杜了，唔知佢重會否來返工呢?話佢知我今晚不來，放5:00，去左買麥當勞，如果更大個套餐就可以送一隻可口可樂杯，但個收銀話，此優惠不能同媽咪會張卡一齊用，於是我索性唔更大個餐，買一個普遍餐，等佢送隻普通杯了，跟住坐5:30車回家，晚上睇完畢打自己人8:30就瞓lu!

31-7-09(六)今日得我同細黃兩個老師睇仔，琴日老細先專登同我地講話唔好病(都痴線，病有得控制架咩?)

    好彩今日都只係得10個仔，唔算多，聽細黃講好似試個有個星期六冇人返tim!

    放工返左屋企睇大話妹，跟住瞓覺，由2:45返到5:50好滿足呢!6:00左右Elise call，原來佢已經係教會了，跟住我都返教會會合佢，再同埋Vickay Chan 同Vicaky Ma一齊入深井，入去時，Elise miss左個轉入深井o既路口，咁就唯有去到青龍頭過d先有得返轉頭。係裕記停車場拍好車，就等位，唔係等左好耐已經有位了，good，到我地點完菜時，Winnie都來了，時間剛剛好，咁我地一齊食飯lu!Vicky Ma話佢有個習慣，就係要每人都為一d事情乾杯，好!為左可以以開餐，我第一個講：「為Elise買左架新車乾杯!」重有d就係搵工等la…

     D燒鵝唔算太肥，ok wor!其實自己有濕疹，重食d咁毒o既野，真係想死，不過我一向都冇戒口，所以百無禁忌。

    飯後去發記食甜品，之從覺得自己身體好熱，好需要食一d涼野後，我多左食綠豆莎。於是我就叫了碗綠豆莎+黑珍珠。但d黑珍珠係凍，d綠豆莎係熱，都幾奇怪。下之都係叫碗綠豆莎就可以了。

    跟住再去左黃金海岸o既沙灘，早之會去沙灘，我就著裙同拖鞋啦!蝕…

    行到去燒烤場後再回頭，11點回程，先送Vicky Chan去深井，Elise再set GPS，然後送

Winnie、Vicky Ma回家，由於有d路口不能轉右，同埋Elise有時miss左d路口，結果到我最後一個回家時，已經係12:30了。

1-8-09(日)其實9點幾已經起左身，猶豫好唔好返崇拜，但個心始終唔想，所以最後都冇返，Elise都冇返崇拜，下午同阿媽飲下午茶，王子打來問我出唔出去食飯，由於天氣太熱了，使人冇心機，(其實心裡總覺得好悶，好想去玩)所以不去遠o既地方了，近近地係商場食下野都ok，tea後回後繼續post日記。

您可能對以下文章有興趣

「神創造天地」畫展

阿霖生日

車人的蛋糕

門徒訓練畢業禮