小心選擇＠車天車地｜PChome Online 個人新聞台

2009-06-07 22:08:34| 人氣116| 回應0 | 上一篇 | 下一篇

小心選擇

推薦 0 收藏 0 轉貼0 訂閱站台

6-4-09(一)琴晚真係好唔舒服，今日都想請假，但阿王又唔係到，今日星期一又有勁多功課要收，我又唔記得教案係要寫乜生字，結果都係返左工，返到工都挨到，我一心都諗住挨到放工，但睇小朋友大肌時，我都凍到要著衫，阿何見到我唔掂，佢叫我走了，我有諗過攞病假都攞明天，起碼留個下午做左d野先。Anyway阿何都發現我唔舒服，都係早走了。

坐12:40車回家，睇醫生。

下午收到阿何電話話想我調班，我返9，佢返8:30，但我驚明天又要請病假，得番阿彭一個睇尾就唔好了，所以不敢調住。

7-4-09(二)諗住返工，call阿何，諗住同佢調班，等佢可以放5:30返學，佢聽到我把聲唔好，佢叫我請多日，於是我都決定請多日了。後來突然醒後明天復活節慶祝會，要有幕同字，所以即刻打電話回校，叫阿嬸幫我上幕(阿何聽電話)。

8-4-09(三)冇返兩日工，一返工就好多野做，有2日簿、同埋好多教案、評估表，2個字大穫，同埋今日個復活節慶祝會係我負責，我返8:30，都專登做半個鐘返學校，因為要佈置，好彩有阿王係到，佢幫我手係個幕到上d字，同埋攞左舊年壁報o既裝飾物放係個幕到，個幕即刻靚好多。真係要感恩，我有一個好partner。

放工留係學校做到6:45，跟住行去紅磡廣場整指甲，起初Angel幫我磨指甲，我好驚係佢做，因為佢整得唔好，跟住磨完甲一直到8點幾都冇人理我，直到老板娘回來幫我整，起初整了黑底，粉紅弝豹紋，但真係麻麻，連老板娘都覺得唔靚，佢話唔靚要對一個月，於是起左佢再整，結果整到10點半先走，其後雕心心，d心心一d顏色麻麻地，一d就ok，整體其實都唔係好鐘意d指甲，不過我同自己講指甲整得唔鐘意，都係對一個月，但人唔鐘意，就要對一世，咁會更大穫。選個自己鐘意吧!