車天車地 一個有好多回憶既地方!!!

106愛的鼓勵 0訂閱站台

21-9-08(日)11點半起身，瞓左十個鐘，叫做精神d，如果唔夠精神就下午先再瞓過啦!一心諗住今日係屋企hea下、休息下、打下日記、燙下衫。

最後我只係完成左打下日記同Frank捉了盤棋，去到3:30時，小保問我去唔去café玩broad game，但café入場費，是首三個小時$50包一杯飲品，其後$5一個鐘，我同小保講，不如攞呢d錢買個game去你家玩咪更抵。結果就決定去小保家了，小保話dranell去，我就通知kelvin、焯賢、Frank、最後到Kelvin話我知佢去，我再同小保講番而家有dranell、我、kevlin，加埋佢四個人都ok啦!

我4點九出門口，5點幾去到小保家，去到佢屋企我話俾小保知，我搵唔到Dranell，打佢電話又飛左去留言，佢心知不妙，因為小保曾經以為冇乜人去佢屋企，所以佢同Dranell講過要取消，跟住Dranell話下次先，之後我係msn同小保講話Dranell到來，小保以為我已經通知埋佢，oh…大穫!佢手提冇開，又今日先出camp，9成瞓左，跟住我打電話俾Kelvin問佢係邊時，佢提議用msn o既震動提示去震醒佢，結果呢個方法真係行得通，佢醒左，小保打算去車佢來tim!

後來我同打小保打算去吉之島買呢個妙探尋兇，但Kelvin又話佢去，由於電單車得2個位，我就係留係小保家去KGS捉圍棋，佢地2個就去買Game。發現小保電腦都有鄭伊健o既歌，可以一邊聽佢o既歌，一邊捉棋，人生一大樂事。

佢地買完game返o黎，Dranell也自己坐車來到，我同Dranell教緊佢地玩呢個game時，外賣到，焯賢又到。我地差唔多食完野時，小保太都返到來了，我地六個人一齊玩妙探尋兇。最後小保勝出。

跟住我地玩Bang同埋睇家好月圓大結局，玩到11:35就走了。

22-9-08(一)返9放6，lunch時，細梁話我知佢d朋友早係星期六睇地下天文台網，已經知道有個颱風黑格比吹緊o黎香港，但香港天文台都仍未有資料。期望明天早上3號風球，冇仔返學，我可以出組做野，星期三就8號，唔駛返工，wonderful，可惜世事未盡人意。

放6:00，璟熙遲走，我miss左6:10班車，跟住行下吉之島，坐6:40車回家。

去大快活同阿媽食飯，7:30回家，跟住打日記，再睇埋十月初的月光o既大結局就瞓了。

23-9-08(二)6:30阿媽話我知1號風球，幼稚園停課，撞鬼咩，幼稚園停課，但幼兒學校仍會開放，那就會有小朋友返。阿媽同我講完野，我都瞓唔返，慘，不過又好彩我瞓唔返，到7:00時，個電話咁耐都未響，我就覺得奇怪，再睇下電話o既時間，原來已經7:05，我將電話鬧鐘較左8:00起身，又差d中招。

7:25阿王打俾我，叫我買漢保包，但我已經食了6塊曲奇餅，anyway照買啦!但買俾人食，自己唔食又好傻仔，於是搵埋阿何一齊夾番食，事關一個漢堡包有兩塊包同一塊免治牛肉，但買雙層漢保包只需$11就有兩塊包同二塊免治牛肉。我同人夾份食，都只係$5.5就有一個包同一塊免治牛肉，俾少$3.5都只是食少一個包皮，所以夾份食最抵。

天文台話11點前都大機會掛3號風球，所以今日不用上課了，有d小朋友返左o黎，我都同家長講，如果有人照顧就唔好返了，一陣橫風橫雨走咪重弊，我知芊芊媽媽要接家姐打羽毛球、滇滇媽媽要返工就冇計，但有一個家長竟然話有事做，那我問佢幾時走，佢話8號風球先走，後來我問佢有咩做，佢話拜神，我真係o嘴。跟住令外2個人見人返佢又返，真係過份。

成朝打左3個星期檢討，幫阿彭打電話問人邊到有吹氣彈床借，同埋開會，開完會已經12:40，hea多陣又食飯，下午又要打10月4日教院導師來校開會o既powerpoint，結果我打算要打的教案、評估表就全部未做過，不過做左powerpoint都好，反正呢樣野今日唔做，打後的lunch都係要做，今日拿拿淋做完，明天應該可以打教案的。

打完powerpoint又同阿彭一齊打埋個安基15週年特刋o既初稿，結果5:10都未走得，後來同阿何一齊走，坐5:30車回家，一落車又見到陽陽爸爸。

回家睇電視、打日記、捉棋，咁又一晚了。

靈靈性性，唔該明天早上繼續3號風球、紅雨或黑雨啦!

Ps今日阿Lo請食下午茶，因她升了做主任。