參觀聖公會奉基小學＠車天車地｜PChome Online 個人新聞台

2008-09-14 17:50:03| 人氣98| 回應4 | 上一篇 | 下一篇

參觀聖公會奉基小學

推薦 0 收藏 0 轉貼0 訂閱站台

10-9-08(三)下午同班仔去參觀聖公會奉基小學，佢地由12:30瞓到1:15就要起身去參觀，有d瞓到，有d瞓唔到。希望佢地d精神頂得順啦!

呢間學校相比同區另外幾間學校來說就都有點殘，不過勝在係小班教學，d家長就係鐘意呢個買點。參觀完校園後、d小朋友就玩體能遊戲，同埋玩一d以遊戲方法來學習o既攤位，佢地都玩得幾開心。

同阿何調左班，返9放6，跟住坐6:10車回家，係屋企hea 左一陣，7:00同阿爸阿媽一齊行出旺角食飯，行到去天橋時，阿媽發覺唔記得左攞阿哥d信，就同阿爸行番屋企攞，而我就自己行去泉章居先，因為老偉打來話酒樓要過半數先俾入座。

去到酒樓，發覺冇見2年o既大嫂肥左，跟住老樂也來到。到阿爸阿媽o黎埋就點餸食。其實我餓到死，因為下午係學校又食唔飽，個心就一直等今晚食飯。

一家人成2年都未試過坐埋一齊食飯，但都好似冇乜好傾。或許大家都太疏離吧!老偉都唔係點理屋企，電話都唔多個，我也不覺得有呢個大佬呢!
直到老偉攞個可以插兩張卡、睇電視、聽收音機o既手提電話出來時，大家就有野講下、試下、玩下。食到9:00回家了。

11-9-08(四)一早收到佩瑤媽媽o既sms，佢話要請假，佢同璥鋒媽媽都真係搞笑，電話都唔打返來學請假，而係send sms。

放5:30，坐115過銅鑼灣，今晚同凱怡、鸞姨、媽媽、貞姨、昭健、老樂、老趙、老趙女朋友、姍姍一齊食中秋節飯，老趙同佢女朋友遲成9個字先來，我又餓死左。

凱怡話我知對面枱有個明星，原來係劉兆銘，佢帶左頂帽，如果表妹唔話我知，我就一定睇唔到，我一向撞到明星都唔知，次次都係人地話我知，上次見到吳彥祖都係。

食到9:00，跟住我坐112過油麻地，返棋社，入去sit左一陣堂，跟住王子教番我今堂講左d咩，然後我同、蘇蘇、Dranell、阿恆、傻狗一齊玩「Bnag」，玩到十點幾。然後落三洋食晚飯，我坐在陣，玩左陣「Bnag」，10:45走了。

一心諗住早d回家早d瞓，休息好d，等星期六做姊妹可以精神d，點知又係到睇十月初五的月光同msn，搞到成1:45先瞓。

我要檢舉

台長：車人