車天車地 一個有好多回憶既地方!!!

106愛的鼓勵 0訂閱站台

4-9-08(四)本身6:30起身，但琴晚咁夜瞓，又怎能夠即時起身呢，係張床到擾攘左一陣，6:45先身煮早餐。累到帶唔到con，所以帶眼鏡返工。

呢幾日教仔寫字，日日都要做o既事就係查筆順，以前讀書時都有試過咁勤力查字典(除左學簡體時先)，不過我相信經過今年教成年寫字後，一定會成為我人生睇得最多字典o既一年。

放5:00，5:22上212，5:46就可以上到棋寫，真係快。

本來阿Frank又話早D上來同我捉棋，我上到來時，佢已經同Chris捉緊，6:10上來，Dranell叫阿卓同我捉讓子棋，咪玩啦!唔係好想同佢捉，因為同佢捉要讓子(我近期捉讓子棋弱了很多)、而且win又唔會話特別開心，輸又可能令佢變得更氣焰，都係唔捉最好，跟住我話我就走了，查實我6:45先走，跟住Eric同Dranell捉完棋後，Dranell就叫同Eric捉一盤快棋，你個Dranell真係玩野lor!頭先叫我同阿卓捉，我拒絕了，你又叫我同Eric捉，攞道明要人知我唔想同阿卓捉啫，不過佢後都補飛話要捉快d，因為我趕住走，同Eric捉，我又強殺左佢一隻右上角，跟住佢士氣低沉了，我8k，佢4k，其實同高過自己棋力d人捉棋，我會有心理問題，會捉得差d，如果不知對手棋力，反而會捉得好d，盤棋最後我佔優，捉到6:45走了，Dranell同我一齊落樓下，順便影印。

7:00前到朗豪坊大電視，Yanny同June已到，惠凌同angel都未到，我地三個先上譚魚頭攞位，我地入到去坐低先發覺冇左June話那個好抵食o既打邊爐plan，任食那個paln又要9:00後先有，咁唯有散叫啦!雖然呢到個湯底好味，最後每人要192蚊埋單，好鬼貴!所以都係唔抵食!

June同Yanny而家都一齊係迦南到做，呢間學校一定唔適合我做，首先一進學校就一定要穿定製服，放工只可換上衣離開、要束髮、不能帶耳環，以上條件我一定做唔到啦!我一向返工都係牛仔裙+birkenstock，成個出街look緊，完全唔似老師、更要束髮，那我以後都唔駛做負離子啦!

食到9點走了，跟住call Dranell睇佢地去邊到食飯，諗住搵佢地hea，上到棋社見到係kgs o既Ads同埋阿弘個師弟阿亮。

阿恆、王子佢地就成班人係房到玩Bang。睇佢地玩，開始明明地佢地玩咩!跟住去三洋食飯，一落樓又見到有好多消防車經過，又見到朗豪坊附近冒左好多黑煙出來，哎呀!又火觸，呢期咁密架!飯後，Dranell叫我地去玩Bang，好野!又有得玩，同Frank、Amy、Dranell、小保、Kelvin去了信和斜對面的麥當勞，玩到12點幾個員工話今晚要洗冷氣，所以要清場，跟住我地改去百老滙戲院對面那間麥當勞，玩到1:30，我走先，坐小巴返屋企，好彩早走d先，原來阿爸阿媽都係屋企，如果平日都玩得咁夜，遲d六、日、甚或中秋想玩夜d都唔得!所以唔好玩咁盡先。