車天車地 一個有好多回憶既地方!!!

106愛的鼓勵 0訂閱站台

21-7-08(一)7:30起身，極唔夠瞓的一天，還是放工即刻回家瞓吧!

早上同小朋友分享左我週末發生的事情，我話俾佢地知我唔見大隻福娃耳環，跟住又買番個福娃匙扣，準備做耳環，同埋買左個頭箍，珮芝第一個反應就係咁，咁sign錢，俾個小朋友咁樣話我，我真係o嘴。

下午又好忙碌咁打project report同埋班仔o既「語文發展」評估表。

2:30大梁、Helena同馬文返了來學校探我地，難得梁校長返o黎探我，所以放工同左佢去飲野，去了KFC食野，因我一直都好想食佢$29個餐，6點到，細梁放工都來了，佢地改去麥當勞食雪糕，我已太飽了，食唔落。

坐7:00車回家，諗住早d沖完涼就去瞓覺，但收到Edmund電話，佢話去完盟約搵我飲野。於是又唔沖涼住，諗住再返屋企先沖。

佢8:30去完盟約，佢被愛民村o既腸粉鋪吸引了上來食野!好嘢!我唔駛行咁遠落旺角。

粥鋪以前o既齋腸粉係$4，而家都加番價到$6。竟然佢上大o黎愛民，順便叫佢o黎我屋企睇埋個軟件Zone Alarm，點解會阻止到我上網，結果佢幫我delete個軟件，再裝過。同埋佢係度教我玩facebook o既古惑仔online，原來add得多同伴，個戰鬥力會高d，所以級數幾多都唔係太重要。

Edmund走左後，諗住沖涼後就瞓。點知Frank又叫捉圍棋，好耐冇同佢捉過了，於是答應同佢捉啦!佢叫我等佢15min，結果得左差不多成個鐘先捉到。

今日真係好多因素阻礙我瞓覺。

22-7-08(二)又係唔夠瞓的一天，d仔食完早餐後，同佢地出戶口外探索影子，出大去唔夠15分鐘，大家都出曬汗了，我地玩度影子長度同埋踩影子。

PS原來今日係大暑，唔怪之得咁熱la!

Lunch食飯後，打左陣project report已經好累了，小睡左一陣，否則我驚今晚冇精神去游水。

放5:30，同細梁一齊去大環山游水，由於奧運關係，游池7,8月免費開放，我地5:58分去到要排隊，等佢6:00放人入去。十幾年未試過去到泳池要排隊等入閘了。

細梁話細過知道可以去游水，會好興奮，但人大了冇大呢種感覺，我也有同感。人大了，每件事情經過多了，以前只游過幾次，仍會覺得活動吸引，當你同一樣活等玩了幾十次，已冇了當初o既期待感呢!

泳池太多人，撞口撞面都係人，細梁話佢個班學生梓晴都係到，後來我游游下水，停左係度休息時，有個爸爸同個小朋友講叫老師啦!我好驚訝!因為我知呢個爸爸係邊個o既家長(我都冇印象見過呢個人)，而個小朋友又帶了潛水鏡，所以我都唔知佢係邊個，爸爸叫小朋友叫老師時，個小朋友又好似唔識我咁，唔太敢叫我。係來同細梁講番呢件事時，佢話佢可能就係梓晴，如果係佢就奇怪了，因為我肯定我從來都冇見過呢個爸爸，同埋個小朋友又好似唔識我，細梁話唔出奇，因為呢個小朋友就係矇矇地。

7:00leave，沖埋身，坐7:30小巴回家，回家繼續打日記，終於打到今日了。

PS今年第一次游水